24-may kuni Islom Karimov nomidagi Toshkent xalqaro aeroportida estakadaga kirish vaqtincha yopilgani to‘g‘risida xabar berilgandi. Uzbekistan Airports’ning ma’lum qilinishicha, estakada orqali harakatlanish qayta tiklangan.
Ta’kidlanishicha, Toshkent xalqaro aeroportidagi estakada orqali harakat yo‘l belgilari yangilanishi munosabati bilan 24–25-may kunlari cheklangan. Yo‘lovchilar va kuzatuvchilar uchun Toshkent xalqaro aeroporti estakadasiga kirish bepul.
Terminalga estakada orqali chiqish qoidalari:
- estakadaning o‘ng chizig‘i turistik avtobuslar va mikroavtobuslar uchun, chap chizig‘i taksilar uchun mo‘ljallangan;
- yo‘lovchilarni estakadada qisqa muddatga tushirish/olish avtomobillar uchun 5 daqiqadan, turistik avtobuslar va mikroavtobuslar uchun — 10 daqiqadan oshmasligi lozim;
- estakadaning o‘ng va chap qatorlarini ajratib turuvchi sariq chiziqda to‘xtash taqiqlanadi va qoidabuzarlik hisoblanib, jarima solinishi mumkin.
Toshkent xalqaro aeroporti estakadasi
20 yildan ortiq (1999-yilda Toshkentda sodir bo‘lgan teraktlardan so‘ng) muddat davomida kutib oluvchi va kuzatuvchilar poytaxt aeroportining terminal binosiga kirish imkoniga ega emas va har qanday ob-havo sharoitida ham tashqarida bo‘lishlari talab qilinadi. Xalqaro aeroportda kutayotganlar uchun ayvon mavjud, ammo mahalliy aviatarmoqlar terminali oldida odamlar ko‘chada kutishiga to‘g‘ri keladi. 2021-yilning iyulida aeroportining estakadasi transport harakati uchun test rejimida ochilgandi. Butun estakada bo‘ylab transport vositalarining raqamlarini taniydigan, turini aniqlay oluvchi va ular tomonidan yo‘l harakati qoidalariga rioya qilinishini nazorat etuvchi intellektual videokuzatuv kameralar tizimi o‘rnatilgan.
Izoh (0)