Шавкат Мирзиёев раислигида 26 май куни саноат зоналари ва йирик инвестиция лойиҳалари билан боғлиқ масалаларга бағишланган йиғилиш бошланди. Бу ҳақда президент матбуот котиби хабар қилди.
Қайд этилишича, жорий йилнинг ўзида 2 мингта лойиҳани амалга ошириш, 110 мингта янги иш ўрни яратиш ва 1 миллиард доллар қўшимча экспортни таъминлаш учун имкониятлар борлиги таъкидланган. Ўтган беш йилда 19 та эркин иқтисодий зона (унгача атиги 3 та бор эди) ва 400 дан зиёд кичик саноат зонаси ташкил этилиб, уларда 10 триллион сўмлик 1 мингдан ортиқ лойиҳа ишга туширилган. Натижада 100 мингта иш ўрни яратилиб, йилига қўшимча 45 триллион сўмлик маҳсулот ишлаб чиқарила бошланган.
Шунингдек, саноат зоналаридаги корхоналар йилига 750 миллион долларлик экспорт ва 1 триллион сўмдан зиёд солиқ тушумларини таъминламоқда.
«Асосийси, ҳар бир туманга саноат кириб борди, олис ва чекка ҳудудларда янги ишлаб чиқаришлар пайдо бўлмоқда», — деган президент.
Хусусан, беш йил аввал саноат умуман бўлмаган 11 та туманда 205 та янги корхона иш бошлаб, бугунги кунда уларда саноат ҳажми 2 баробар ошган.
Мавзуга доир:
- Ўзбекистонда йил якунига қадар Россия, Украина ва Беларусь билан ишлаётган корхоналарга дебитор қарздорлик учун жарима қўлланилмайди
- «2030 йилга бориб Ўзбекистон аҳолиси ўртадан юқори даромад олувчи давлатлар қаторида бўлишига эришишни мақсад қилганмиз» — Шавкат Мирзиёев
- Шавкат Мирзиёев Инвестициялар вазирлиги ҳамда Камбағалликни қисқартириш вазирлиги ташкил этилганидан буён қандай натижаларга эришилгани ҳақида гапирди
Изоҳ (0)