O‘zbekiston banklarida muammoli kreditlar keskin ko‘paydi

Markaziy bank 2022-yil 1-may holatiga ko‘ra banklarning muammoli kreditlari to‘g‘risida ma’lumot berdi.

Unga ko‘ra, banklardagi jami kredit portfeli 340,2 trln so‘mgacha yetgan. Bu o‘tgan oyga nisbatan 4 mlrd so‘mga kamroqdir.

Banklardagi umumiy muammoli kreditlar (NPL) miqdori 1,25 trln so‘mga keskin oshib, 18 trln so‘mga yetgan. Umumiy kredit portfelidagi NPL ulushi 5,3 foizga yetgan. 

Bu 2022-yil uchun eng baland ko‘rsatkichdir. Avvalgi eng baland ko‘rsatkich 2022-yil 1-dekabr holatiga qayd etilgan bo‘lib, NPL miqdori 18,3 trln so‘mga yetgandi.

Banklar orasida NPL miqdori eng ko‘p “O‘zsanoatqurilish” bankda ko‘paygan — 1 trln so‘mga. 

Muammoli kreditlarning ulushi bo‘yicha eng baland ko‘rsatkich “O‘zagroeksportbank”da — bankning jami kreditlardagi NPL ulushi 89,4 foizni tashkil qildi.

Avvalroq Markaziy bank kreditlar to‘g‘risida fuqarolardan kelib tushgan murojaatlarga munosabat bildirgan edi.