Ijtimoiy tarmoqlarda 25-may kuni Buxoro shahridagi 19-umumta’lim maktabida o‘tkazilgan So‘nggi qo‘ng‘iroq tadbirida o‘quvchi direktorning ustiga suv sepib yuborgani tasvirlangan video tarqaldi. Buxoro viloyati Xalq ta’limi boshqarmasining ma’lum qilishicha, o‘quvchi o‘ziga faxriy yorliq berilmaganidan nozori bo‘lib, shunday yo‘l tutgan.
Buxoro viloyati XTB tomonidan mazkur holatga aniqlik kiritish maqsadida tegishli mas’ullar tomonidan dastlabki o‘rganish ishlari olib borilgan. O‘rganishlar jarayonida maktabning 11-sinf o‘quvchisi shu kuni o‘tkazilgan tadbir davomida unga faxriy yorliq berilmaganidan norozi bo‘lib, jahl ustida maktab direktorining ustiga suv sepib yuborgani aniqlangan.
“Holat bo‘yicha o‘quvchining ota-onasi bilan farzandining xatti-harakatlari yuzasidan IIB tomonidan o‘rganish ishlari olib borilmoqda. Viloyat xalq ta’limi boshqarmasi mazkur holat yuzasidan o‘rganishlar natijasi bo‘yicha qo‘shimcha ma’lumot beradi va tegishli qonuniy choralarni ko‘radi”, — deyiladi munosabatda.
Avvalroq Surxondaryoda bitiruv kuni akasining Lacetti’sini haydab yurgan maktab o‘quvchisi ushlangani to‘g‘risida xabar berilgandi.
Izoh (0)