Farg‘onada o‘quvchi qiz o‘qituvchidan tanbeh eshitgach, sinf derazasidan sakrab, darsdan ketib qolgani to‘g‘risida xabar berilgandi. Viloyat IIB holatga munosabat bildirib, hozirda tekshiruv harakatlari olib borilayotganini ma’lum qildi.
Ijtimoiy tarmoqlarda muhokamalarga sabab bo‘lgan mazkur holat 23-may kuni Farg‘ona viloyati Qo‘shtepa tumanidagi 22-maktabda sodir bo‘lgan. Maktabning 8-sinf o‘quvchisi A.A. dars paytida kalitni uyiga tashlab kelish uchun ruxsat so‘ragan. Unga o‘qituvchi dars tugashiga oz vaqt qolganini aytib, ruxsat bermagani sababli o‘zaro kelishmovchilik kelib chiqqan va A.A sinfxonaning deraza oynasidan chiqib, qochib ketgan.
Dars mashg‘uloti 1-qavatda o‘tkazilayotgan bo‘lgan. O‘quvchi A.A maktab derazasidan chiqib ketish paytida hech qanday tan jarohati olmagan.
Holat yuzasidan Qo‘shtepa tuman IIB tomonidan tergovga qadar tekshiruv harakatlari olib borilmoqda.
Bundan avval Andijonda o‘qituvchisini haqorat qilgan o‘quvchi kaltaklangani, Buxoroda maktab direktori o‘quvchi qizni kaltaklagani, Sirdaryoda o‘qituvchi va maktab direktori o‘rinbosarini kaltaklagan shaxslarga 3 sutka qamoq jazosi tayinlangani xabar qilingandi.
Izoh (0)