AOKAda Senat a’zolari, Mahalla va nuroniylarni qo‘llab-quvvatlash vazirligi mutasaddilari ishtirokida o‘tkazilgan matbuot anjumanida mahalla raisligi uchun o‘tkazilayotgan saylovlar to‘g‘risida ma’lumot berildi.
Qayd etilishicha, 16-maydan boshlab saylovlar bo‘lib o‘tmoqda. 24-may kuni holatiga ko‘ra, 7 646 ta mahallada mahalla raislari saylangan (bitta mahallaga o‘rtacha 2,4 nafardan nomzod). Saylangan raislarning 4 901 nafari (64,1 foizi) birinchi marotaba saylangan, 2 742 nafari (35,9 foizi) amaldagi raislar hisoblanadi.
Andijonda 79,8 foiz, Sirdaryoda 75,8 foiz, Buxoroda 70,8 foiz, Toshkent viloyatida 70 foiz, Qashqadaryoda 69,5 foiz, Jizzaxda 68,9 foiz, Xorazmda 65,7 foiz raislar birinchi marotaba saylangan. G‘ozg‘on, Shirin shaharlarida, Xo‘jayli tumanida 100 foiz, Chiroqchida 98 foiz, Qibrayda 97 foiz, Ulug‘norda 96 foiz, Baliqchida 94 foiz, Mirzacho‘lda 92 foiz raislar birinchi marotaba saylangan.
Raislarning 861 nafari ayollardan, 237 nafari mahalliy kengashlar deputatlaridan iborat. Ma’lumoti bo‘yicha saylangan raislarning:
- 7 155 nafari oliy;
- 491 nafari o‘rta-maxsus va o‘rta ma’lumotga ega.
- 129 nafari 30 yoshgacha;
- 1579 nafari 30—40 yoshgacha;
- 2324 nafari 40—50 yoshgacha;
- 2812 nafari 50—60 yoshgacha;
- 802 nafari 60 yoshdan yuqori.
- 2519 nafari o‘qituvchi;
- 1077 nafari iqtisodchi;
- 1215 nafari muhandis;
- 481 nafari agronom;
- 351 nafari huquqshunos;
- 62 nafari shifokor;
- 120 nafari quruvchi;
- 42 nafari tovarshunos;
- 48 nafari san’atkor va sportchi;
- 1731 nafari boshqa kasb egasi.
Izoh (0)