Ижтимоий тармоқларда 25 май куни Бухоро шаҳридаги 19-умумтаълим мактабида ўтказилган Сўнгги қўнғироқ тадбирида ўқувчи директорнинг устига сув сепиб юборгани тасвирланган видео тарқалди. Бухоро вилояти Халқ таълими бошқармасининг маълум қилишича, ўқувчи ўзига фахрий ёрлиқ берилмаганидан нозори бўлиб, шундай йўл тутган.
Бухоро вилояти ХТБ томонидан мазкур ҳолатга аниқлик киритиш мақсадида тегишли масъуллар томонидан дастлабки ўрганиш ишлари олиб борилган. Ўрганишлар жараёнида мактабнинг 11-синф ўқувчиси шу куни ўтказилган тадбир давомида унга фахрий ёрлиқ берилмаганидан норози бўлиб, жаҳл устида мактаб директорининг устига сув сепиб юборгани аниқланган.
«Ҳолат бўйича ўқувчининг ота-онаси билан фарзандининг хатти-ҳаракатлари юзасидан ИИБ томонидан ўрганиш ишлари олиб борилмоқда. Вилоят халқ таълими бошқармаси мазкур ҳолат юзасидан ўрганишлар натижаси бўйича қўшимча маълумот беради ва тегишли қонуний чораларни кўради», — дейилади муносабатда.
Аввалроқ Сурхондарёда битирув куни акасининг Lacetti’сини ҳайдаб юрган мактаб ўқувчиси ушлангани тўғрисида хабар берилганди.
Изоҳ (0)