Toshkent shahridagi Istiqlol va Maxtumquli ko‘chalari kesishmasigacha bo‘lgan hudud 25-may kuni yopiladi. Bu haqda shahar hokimligi xabar qildi.
Qayd etilishicha, shu kuni Tashkent Opera Fest doirasida So‘nggi qo‘ng‘iroqqa bag‘ishlangan simfonik orkestr konserti bo‘lib o‘tadi. Ushbu tadbir sababli Istiqlol ko‘chasining “Bahor” restorani oldidan Maxtumquli ko‘chasi bilan kesishmasigacha bo‘lgan qismi avtotransport harakati uchun soat 6:00 dan 23:00 ga qadar yopiladi.
“Noqulayliklar uchun uzr so‘raymiz va aylanma yo‘llardan foydalanishni tavsiya qilamiz”, — deyiladi xabarda.
Avvalroq Toshkentdagi Nukus ko‘chasining bir qismi vaqtincha yopilishi, Samarqand darvoza va Qoratosh ko‘chalari kesishmasida transport harakati qisman cheklanishi, ta’mirlash ishlari sabab ayrim ko‘chalarda harakat vaqtincha cheklangani, 8-may soat 20:00 gacha ayrim ko‘chalar transportlar harakati uchun yopilishi haqida xabar berilgan.
Izoh (0)