Ukraina parlamenti 1941—1945-yillardagi Ikkinchi Jahon urushida Mustaqil Davlatlar Hamdo‘stligi (MDH) a’zosi bo‘lgan davlatlar xalqlarining jasorati va qahramonligi xotirasini abadiylashtirish haqidagi kelishuvdan mamlakatning chiqishi to‘g‘risidagi qonun loyihasini qabul qildi.
Qonun loyihasining tushuntirish xatida aytilishicha, kelishuvdan chiqish sabablari, jumladan, Rossiyaning (MDHga a’zo davlatlardan biri) Ukrainaga qarshi qurolli tajovuzi hamda kelishuvda ishtirok etayotgan boshqa mamlakatlardagi Ikkinchi Jahon urushi qatnashchilari xotirasini hurmat qilish masalalari bilan Ukraina amaliyoti va qonunchiligi o‘rtasida sezilarli farqlar borligidir”, — deb yozadi “Interfaks-Ukraina”.
Ushbu kelishuv 2011-yil 9-sentabrda Dushanbe shahrida imzolangan, 2013-yil 18-aprelda esa Ukraina qonuni bilan shartli ravishda ratifikatsiya qilingan.
12-may kuni Latviya parlamenti Rossiya bilan memorial inshootlarni saqlash bo‘yicha ikki tomonlama kelishuvni to‘xtatib turishni ma’qullagan edi. Bu Rigadagi Xaloskorlar yodgorligini buzish uchun qonuniy asoslarni berdi. Latviya aholisining bir qismi uzoq yillardan buyon ushbu yodgorlikni buzishni talab qilib keladi, mamlakatning boshqa aholisi esa uni saqlab qolish kerak, deb hisoblaydi.
Izoh (0)