Украина парламенти 1941—1945 йиллардаги Иккинчи Жаҳон урушида Мустақил Давлатлар Ҳамдўстлиги (МДҲ) аъзоси бўлган давлатлар халқларининг жасорати ва қаҳрамонлиги хотирасини абадийлаштириш ҳақидаги келишувдан мамлакатнинг чиқиши тўғрисидаги қонун лойиҳасини қабул қилди.
Қонун лойиҳасининг тушунтириш хатида айтилишича, келишувдан чиқиш сабаблари, жумладан, Россиянинг (МДҲга аъзо давлатлардан бири) Украинага қарши қуролли тажовузи ҳамда келишувда иштирок этаётган бошқа мамлакатлардаги Иккинчи Жаҳон уруши қатнашчилари хотирасини ҳурмат қилиш масалалари билан Украина амалиёти ва қонунчилиги ўртасида сезиларли фарқлар борлигидир», — деб ёзади «Интерфакс-Украина».
Ушбу келишув 2011 йил 9 сентябрда Душанбе шаҳрида имзоланган, 2013 йил 18 апрелда эса Украина қонуни билан шартли равишда ратификация қилинган.
12 май куни Латвия парламенти Россия билан мемориал иншоотларни сақлаш бўйича икки томонлама келишувни тўхтатиб туришни маъқуллаган эди. Бу Ригадаги Халоскорлар ёдгорлигини бузиш учун қонуний асосларни берди. Латвия аҳолисининг бир қисми узоқ йиллардан буён ушбу ёдгорликни бузишни талаб қилиб келади, мамлакатнинг бошқа аҳолиси эса уни сақлаб қолиш керак, деб ҳисоблайди.
Изоҳ (0)