O‘zbekiston va Rossiya o‘rtasida charter reyslarni yo‘lga qo‘yish ustida ishlanmoqda. Bu haqda turizm va madaniy meros vaziri Aziz Abduhakimovning “Rosturizm” rahbari Zarina Do‘g‘uzova bilan bo‘lgan uchrashuvida ma’lum qilindi.
Zarina Do‘g‘uzova bilan uchrashuvda mamlakatlar o‘rtasida turistik charterlarni yo‘lga qo‘yish va xalqaro sayyohlik yo‘nalishlarini birgalikda rivojlantirishdan har ikki davlat manfaatdor ekanligi bildirildi.
O‘zbekiston “Rosturizm” bilan yangi charter va sayyohlik yo‘nalishlari ustida ish boshlagan, — deyiladi xabarda.Taxminlarga ko‘ra, bu yil o‘zaro sayyohlik oqimi 20-30 foizga o‘sishi va 700 ming kishiga yetishi mumkin.
Rossiyalik sayyohlar orasida O‘zbekistonning mashhurligi sezilarli darajada oshdi – may oyidagi ta’til natijalariga ko‘ra, O‘zbekiston rossiyaliklar uchun eng mashhur xorijiy dam olish yo‘nalishlari uchligiga kirdi.
Kelgusi 3-5 yil ichida mamlakatlar o‘rtasidagi sayyohlar oqimi yiliga 2 million sayohat darajasiga yetishi mumkin.
Hozirdanoq uning o‘sishiga amaldagi vizasiz rejim hamda Rossiya va O‘zbekiston o‘rtasidagi to‘g‘ridan to‘g‘ri reyslarga barcha cheklovlarning olib tashlanishi yordam bermoqda, — dedi Dog‘uzova.Hisob-kitoblarga ko‘ra, haftasiga ikki tomonlama reyslar soni 100 taga yetadi. Bu Misr yoki BAAga bo‘lgan parvozlardan ham ko‘proqdir.
Bundan tashqari, yo‘nalishlar tarmog‘i ham keng – Moskva, Sankt-Peterburg, Sochi va boshqa viloyatlardan Toshkent, Samarqand, Toshkentga parvozlar amalga oshirilmoqda, — deya ta’kidladi “Rosturizm” rahbari.Tomonlar o‘zaro sayyohlik oqimini oshirish uchun shart-sharoit yaratish bo‘yicha chora-tadbirlar rejasini imzoladilar.
Hujjatda ikki tomonlama ishbilarmonlik aloqalarini rivojlantirish, transport-logistika sohasini takomillashtirish, yangi turistik yo‘nalishlar yaratish va boshqa yo‘nalishlar ko‘zda tutilgan.
Izoh (0)