Ўзбекистон ва Россия ўртасида чартер рейсларни йўлга қўйиш устида ишланмоқда. Бу ҳақда туризм ва маданий мерос вазири Азиз Абдуҳакимовнинг «Ростуризм» раҳбари Зарина Дўғузова билан бўлган учрашувида маълум қилинди.
Зарина Дўғузова билан учрашувда мамлакатлар ўртасида туристик чартерларни йўлга қўйиш ва халқаро сайёҳлик йўналишларини биргаликда ривожлантиришдан ҳар икки давлат манфаатдор эканлиги билдирилди.
Ўзбекистон «Ростуризм» билан янги чартер ва сайёҳлик йўналишлари устида иш бошлаган, — дейилади хабарда.Тахминларга кўра, бу йил ўзаро сайёҳлик оқими 20-30 фоизга ўсиши ва 700 минг кишига етиши мумкин.
Россиялик сайёҳлар орасида Ўзбекистоннинг машҳурлиги сезиларли даражада ошди – май ойидаги таътил натижаларига кўра, Ўзбекистон россияликлар учун энг машҳур хорижий дам олиш йўналишлари учлигига кирди.
Келгуси 3-5 йил ичида мамлакатлар ўртасидаги сайёҳлар оқими йилига 2 миллион саёҳат даражасига етиши мумкин.
Ҳозирданоқ унинг ўсишига амалдаги визасиз режим ҳамда Россия ва Ўзбекистон ўртасидаги тўғридан-тўғри рейсларга барча чекловларнинг олиб ташланиши ёрдам бермоқда, — деди Доғузова.Ҳисоб-китобларга кўра, ҳафтасига икки томонлама рейслар сони 100 тага етади. Бу Миср ёки БААга бўлган парвозлардан ҳам кўпроқдир.
Бундан ташқари, йўналишлар тармоғи ҳам кенг – Москва, Санкт-Петербург, Сочи ва бошқа вилоятлардан Тошкент, Самарқанд, Тошкентга парвозлар амалга оширилмоқда, — дея таъкидлади «Ростуризм» раҳбари.Томонлар ўзаро сайёҳлик оқимини ошириш учун шарт-шароит яратиш бўйича чора-тадбирлар режасини имзоладилар.
Ҳужжатда икки томонлама ишбилармонлик алоқаларини ривожлантириш, транспорт-логистика соҳасини такомиллаштириш, янги туристик йўналишлар яратиш ва бошқа йўналишлар кўзда тутилган.
Изоҳ (0)