Ijtimoiy tarmoqlarda Namangan viloyati Yangiqo‘rgon tumani Iskovot—Baliqko‘l yo‘nalishidagi Begabod soyda 22-may kuni kuchli sel kelgani haqida xabarlar tarqaldi. Viloyat Favqulodda vaziyatlar boshqarmasi holatga munosabat bildirdi.
Qayd etilishicha, shu kuni viloyatda yog‘gan yomg‘ir oqibatida Iskovot—Baliqko‘l yo‘lining 6–7-kilometrlarida joylashgan ko‘prikning chap tomoni qisman yemirilgan. Hodisada hududdagi aholi yashash xonadonlari, ekin maydonlariga zarar yetmagan.
Hozirda ko‘prik to‘liq nazoratga olingan. Sel kelish xavfining oldini olish va uni bartaraf etish maqsadida Namangan viloyati FVB xodimlari shay holatda turibdi.
Avvalroq “O‘zgidromet” dam olish kunlari respublika bo‘yicha jala yomg‘ir yog‘ishi va shamolning kuchayishi kutilayotganidan ogohlantirgandi. Shuningdek, 20—23-mayda rsepublikaning tog‘oldi va tog‘li hududlarida sel-suv toshqin hodisalari yuzaga kelishi mumkin.
Izoh (0)