Ижтимоий тармоқларда Наманган вилояти Янгиқўргон тумани Исковот—Балиқкўл йўналишидаги Бегабод сойда 22 май куни кучли сел келгани ҳақида хабарлар тарқалди. Вилоят Фавқулодда вазиятлар бошқармаси ҳолатга муносабат билдирди.
Қайд этилишича, шу куни вилоятда ёғган ёмғир оқибатида Исковот—Балиқкўл йўлининг 6–7-километрларида жойлашган кўприкнинг чап томони қисман емирилган. Ҳодисада ҳудуддаги аҳоли яшаш хонадонлари, экин майдонларига зарар етмаган.
Ҳозирда кўприк тўлиқ назоратга олинган. Сел келиш хавфининг олдини олиш ва уни бартараф этиш мақсадида Наманган вилояти ФВБ ходимлари шай ҳолатда турибди.
Аввалроқ «Ўзгидромет» дам олиш кунлари республика бўйича жала ёмғир ёғиши ва шамолнинг кучайиши кутилаётганидан огоҳлантирганди. Шунингдек, 20—23 майда рсепубликанинг тоғолди ва тоғли ҳудудларида сел-сув тошқин ҳодисалари юзага келиши мумкин.
Изоҳ (0)