2022-yilning yanvar—aprel oylarida O‘zbekistonda 95 023 ta yengil avtomobillar ishlab chiqarilgan. Bu haqda Davlat statistika qo‘mitasi xabar berdi.
Ta’kidlanishicha, ishlab chiqarilgan yengil avtomobillar soni 2021-yilning mos davriga nisbatan 30 036 taga oshgan.
2022-yilning yanvar—aprel oylarida ayrim turdagi sanoat mahsulotlarini ishlab chiqarish hajmi:
- avtomobil benzini — 382,3 ming tonna;
- ko‘mir — 1,6 mln. tonna;
- neft — 248 ming tonna;
- gaz kondensati — 459 ming tonna;
- yengil avtomobil — 95 023 dona;
- avtobus — 247 dona;
- yuk avtomobillari — 1188 dona;
- avtomobil dvigatellari — 71,1 ming dona.
17-may kuni AOKAda o‘tkazilgan brifingda Monopoliyaga qarshi kurashish qo‘mitasi raisi Shohrux Shorahmetovga davlat rahbari “O‘zavtosanoat”ga avtomobil xaridida yuzaga kelayotgan navbatlarni 1-may sanasiga qadar bartaraf etish borasidagi vazifa qo‘ygani va qo‘mita bu borada amalga oshirilayotgan ishlarni kuzatib boryaptimi, degan savol berilgandi. U “hozirda butun dunyoda yarimo‘tkazgichlar muammosi kuzatilayotgani va bu bo‘yicha savolni UzAuto Motors’ga berish to‘g‘ri bo‘lishi”, aytgan edi.
Izoh (0)