Futbol bo‘yicha Italiya A Seriyasining so‘nggi turidan o‘rin olgan ayrim uchrashuvlar 22-may, yakshanba kuni bo‘lib o‘tdi.
Peshqadam “Milan” so‘nggi turda “Sassuolo”ga qarshi bahs olib bordi. Birinchi bo‘limda mehmonlar raqib darvozasini uch bor aniq nishonga oldi: Olivye Jiru dubl qayd etgan bo‘lsa, yana bir golga Frank Kessie muallif bo‘ldi.
Ushbu g‘alaba orqali Stefano Pioli shogirdlari mavsum chempionligini qo‘lga kiritdi. “Milan” so‘nggi bor 2010/11-yilgi mavsumda A Seriyada zafar quchgandi. Bu “Milan” uchun A Seriyadagi 19-chempionlik bo‘ldi, “rossionerilar” bu borada “Inter”ga yetib oldi.
“Inter” o‘z uyida “Sampdoriya”ga imkon qoldirmadi. Xoakin Korrening dubli va Ivan Perishichning goli “nerazurrilar”ga yirik hisobdagi g‘alabani taqdim etdi. “Inter” mavsumni ikkinchi o‘rinda yakunladi.
A Seriya
38-tur bahslari
22-may, yakshanba
“Sassuolo” – “Milan” 0:3
Gollar: 0:1 – 17 Jiru, 0:2 – 32 Jiru, 0:3 – 36 Kessie.“Sassuolo”: Konsilyi (Satalino, 82), Myuldyur, Ayxan, Ferrari (Peluzo, 82), Kiryakopulos, Lopes (Manyanelli, 46), Frattezi (Traore, 58), Mateus Enrike, Berardi (Defrel, 68), Skamakka, Raspadori.
“Milan”: Menyan, Kalabriya, Tomori (Romanoli, 81), Kalulu, Ernandes, Krunich (Brahim Dias, 72), Kessie, Salemakers (Florensi, 81), Tonali (Bennaser, 46), Jiru (Ibrahimovich, 72), Rafael Leau.
Ogohlantirishlar: Tonali (34), Lopes (37), Kiryakopulos (53).
“Inter” – “Sampdoriya” 3:0
Gollar: 1:0 – 49 Perishich, 2:0 – 55 Korrea, 3:0 – 57 Korrea.“Inter”: Handanovich, Dumfris, de Vrey (Ranokkiya, 73), Shkrinyar, Bastoni (Dimarko, 60), Perishich (Gozens, 59), Brozovich, Chalxono‘g‘lu, Barella (Vidal, 59), Korrea (Kaysedo, 73), Martines.
“Sampdoriya”: Audero, Bereshinski, Yoshida (Manyani, 78), Ferrari, Aujello, Kandreva (Damsgor, 62), Sabiri, Rinkon (Yepes, 84), Torsbyu (Trimboli, 62), Ronaldu Viyeyra (Askildsen, 77), Kaputo.
Ogohlantirishlar: Yoshida (5), Barella (29), Ferrari (66).
Izoh (0)