Mbappening kelmasligi aniq bo‘lgach, “Real”ning asosiy transfer maqsadi ma’lum bo‘ldi

“PSJ” hujumchi Kilian Mbappening “Real”ga transferi barbod bo‘lgach, Madrid klubi yangi rejalar tuzishni boshlab yubordi.

Marca’ning yozishicha, “Real” ayni vaqtdagi asosiy maqsadi “Monako” tayanch yarim himoyachisi Orelyen Tchuameni bo‘lib turibdi.

“Real” uni qo‘lga kiritishni juda xohlagan, biroq bir necha hafta avval bu yozda kelishuvni amalga oshirish imkoniyati kamligi haqida futbolchiga xabar burgandi. Mbappening rad javobidan keyin “Real”da ortiqcha mablag‘ paydo bo‘ldi, buni klub 22 yoshli futbolchini qo‘lga kiritishga sarflamoqchi.

Shu bilan birga, murabbiy Karlo Anchelotti va klub rahbariyati markaziy hujumda Karim Benzemaga o‘rinbosar bo‘la oladigan futbolchi olib kelishni maqsad qilgan. Biroq klub fransiyalik futbolchining yana ikki yil yuqori saviyada o‘ynab berishiga ishonmoqda.

Mbappe Madrid klubining uzoq yillik maqsadi edi. Uning transferiga ta’sir ko‘rsatmaslik uchun “Real” Erling Holand uchun kurashdan chiqdi.