“PSJ” hujumchisi Kilian Mbappe Fransiya chempionatining 2021/22-yilgi mavsum yakunlari bo‘yicha eng yaxshi to‘purar va eng yaxshi assistent bo‘ldi.
23 yoshli forvard Liga 1 ortda qolgan mavsumida 35 ta o‘yin o‘tkazib, ularda 28 ta gol va 17 ta golli uzatma muallifiga aylandi. Mbappedan uchta kam gol urgan “Monako” hujumchisi Vissam ben-Yedder to‘purarlar ro‘yxatida ikkinchi o‘rinni egalladi. Parijliklarning yana bir hujumchisi Lionel Messi 14 ta golli uzatma evaziga eng yaxshi assistentlar reytingida ikkinchi bo‘ldi.
Mbappe Fransiya chempionatida oltinchi bor het-trik qayd etdi va XXI asrda eng ko‘p het-trik qayd etish borasida sobiq jamoadoshi Edinson Kavanini (5) ortda qoldirib, ikkinchi o‘ringa ko‘tarildi. Bu borada Zlatan Ibrahimovich (7) yetakchilik qilmoqda.
Fransiyalik futbolchi 2022-yilda uch marta het-trikka erishdi. Ularning ikkitasi Fransiya chempionatida qayd etilgan bo‘lsa, yana biri kubok o‘yiniga to‘g‘ri keladi.
Avvalroq Mbappe yozda nihoyasiga yetadigan amaldagi shartnomasini 2025-yilning yoziga qadar uzaytirgandi.
Mavzuga doir: Neymar Ronalduning XXI asrdagi rekordini takrorladi
Izoh (0)