Futbol bo‘yicha Ispaniya La Ligasining so‘nggi, 38-turidan o‘rin olgan o‘yinda “Real” 20-may, juma kuni “Betis” bilan kuch sinashdi.
“Santyago Bernabeu”da o‘tgan bellashuvda jamoalar murosa yo‘lini tanladi. Ikkala tomonning har qancha urinishlariga qaramay darvozalar daxlsiz qoldi.
Shu tariqa “Real” Ispaniya La Ligasining 2021/22-yilgi mavsumini durang natija bilan yakunladi. Muddatidan avval chempionlik masalasini hal qilgan “qirollik klubi” 86 ochko jamg‘arishga muvaffaq bo‘ldi. Ikkinchi o‘rindagi “Barselona”ning hisobida 73 ochko mavjud. Katalonlar 38-turdagi o‘yinini 22-may sanasida o‘tkazadi.
Qayd etish kerak, mazkur bahsda ilk marta bir o‘yinda ikki marta chempionlik yo‘lagi tashkil etildi. “Betis” La Liga g‘olibligini qo‘lga kiritgan “Real”ga, “Real” esa mamlakat kubogiga ega chiqqan “Betis”ga maxsus yo‘lakcha tashkil qilib berdi.
La Liga
38-tur bahslari
20-may, juma
“Real” – “Betis” 0:0
“Real”: Kurtua, Karvaxal, Nacho, Militao, Mendi (Marselo, 70), Modrich (Sebalyos, 70), Kroos (Valverde, 46), Kazemiro (Kamavinga, 46), Benzema, Vinisius Junior, Rodrigo (Isko, 70).“Betis”: Ruy Silva, Sabali, Bartra, Pesselya, Moreno, Guardado (Vilyam Karvalyu, 63), Kanales (Telyo, 86), Rodriges, Xuanmi (Iglesias, 73), Villian Joze (Rodri, 63), Fekir (Xoakin, 74).
Izoh (0)