O‘zbekistonda 2022-yilning yanvar-aprel oylarida eng ko‘p qaysi avtomobil ishlab chiqarilgani ma’lum bo‘ldi. Bu haqda Davlat statistika qo‘mitasi xabar bermoqda.
Ma’lum bo‘lishicha, yilning dastlabki 4 oyida Cobalt avtomobili eng ko‘p ishlab chiqarilgan — 28 690. Bu o‘tgan yilning mos davriga nisbatan 10 mingga ko‘pdir.
Ikkinchi o‘rinni keskin o‘sish qayd etib, 26 305 ta avtomobil bilan Gentra egallagan. Mazkur rusumni ishlab chiqarish 2021-yilga qaraganda 2 barobardan ko‘proqqa oshgan.
Damas ishlab chiqarish hajmi 23 534 taga yetdi. Bu o‘tgan yilga qaraganda qariyb 5 mingtaga ko‘pdir.
Nexia ishlab chiqarish yildan-yilga kamaymoqda. Yil boshidan beri ushbu modeldan 7 195 dona ishlab chiqarilgan. Bu esa 2020-yilning mos davriga nisbatan 3,5 barobarga ko‘pdir.
Avvalroq 2022-yil aprel oyida 129,1 ming dona avtotransport vositalari davlat ro‘yxatidan o‘tkazilgani haqida xabar berilgan edi. Bu o‘tgan yilning aprel oyiga nisbatan 63,3 mingga yoki 104 foizga ko‘proq.
Shu bilan birga, aprelda joriy yilning mart oyiga nisbatan sotuvlar hajmi 15,1 foizga ko‘paygan.
2022-yil 1-yanvardan boshlab ikkilamchi bozordan sotib olingan avtomobillarni davlat ro‘yxatidan o‘tkazish narxi pasaytirildi va ushbu o‘zgarishlarning ta’siri aprel oyida ham davom etgan.
Izoh (0)