Ўзбекистонда 2022 йилнинг январь апрель ойларида энг кўп қайси автомобиль ишлаб чиқарилгани маълум бўлди. Бу ҳақда Давлат статистика қўмитаси хабар бермоқда.
Маълум бўлишича, йилнинг дастлабки 4 ойида Cobalt автомобили энг кўп ишлаб чиқарилган — 28 690. Бу ўтган йилнинг мос даврига нисбатан 10 мингга кўпдир.
Иккинчи ўринни кескин ўсиш қайд этиб, 26 305 та автомобиль билан Gentra эгаллаган. Мазкур русумни ишлаб чиқариш 2021 йилга қараганда 2 баробардан кўпроққа ошган.
Damas ишлаб чиқариш ҳажми 23 534 тага етди. Бу ўтган йилга қараганда қарийб 5 мингтага кўпдир.
Nexia ишлаб чиқариш йилдан йилга камаймоқда. Йил бошидан бери ушбу моделдан 7 195 дона ишлаб чиқарилган. Бу эса 2020 йилнинг мос даврига нисбатан 3,5 баробарга кўпдир.
Аввалроқ 2022 йил апрель ойида 129,1 минг дона автотранспорт воситалари давлат рўйхатидан ўтказилгани ҳақида хабар берилган эди. Бу ўтган йилнинг апрель ойига нисбатан 63,3 мингга ёки 104 фоизга кўпроқ.
Шу билан бирга, апрелда жорий йилнинг март ойига нисбатан сотувлар ҳажми 15,1 фоизга кўпайган.
2022 йил 1 январдан бошлаб иккиламчи бозордан сотиб олинган автомобилларни давлат рўйхатидан ўтказиш нархи пасайтирилди ва ушбу ўзгаришларнинг таъсири апрель ойида ҳам давом этган.
Изоҳ (0)