Amerikaning Turing Pharmaceuticals va Retrophine kompaniyalari sobiq rahbari Martin Shkrel muddatidan oldin qamoqdan ozod etildi. Bu haqda Bloomberg xabar bermoqda.
Bloombergning qayd etishicha, Shkreli Pensilvaniya qamoqxonasidan New-York reabilitatsiya muassasasiga ko‘chirilgan. Bu ma’lumotni tadbirkorning o‘zi ham Facebook’ga yangi suratini joylashtirib qisman tasdiqlagan.
Shkreli nima uchun qamoqdan ozod qilingani aniqlanmagan, ammo bunga tadbirkorning yaxshi xulq-atvori sabab bo‘lishi mumkin.
“Amerikaning eng jirkanch tadbirkori”
2015-yilda Martin Shkrelining Turing Pharmaceuticals kompaniyasi daraprim dorisini ishlab chiqarish huquqini sotib olgandan keyin preparatning narxini 55 baravarga (bitta xapdori uchun 13,5 dollardan 750 dollargacha) oshirgan edi.
Bu iste’molchilar va siyosatchilarning g‘azabini qo‘zg‘atgan edi va tadbirkor “ochko‘zlikning yuzi” hamda Amerikaning “eng nafratlangan” fuqarosi deb atala boshlandi.
Shkreli bunga javoban tanqidchilarni, jumladan, Hillari Klintonni ijtimoiy tarmoqlarda masqara qilgan edi.
Daraprim — OIV infeksiyasini davolashning standart usuli bo‘lgan toksoplazmozni davolash uchun dori. Jahon sog‘liqni saqlash tashkilotining muhim dorilar ro‘yxatiga kiritilgan.
Izoh (0)