Toshkent shahridagi dehqon bozorlarida sotilayotgan 6,8 tonna go‘sht va go‘sht mahsulotlari yaroqsiz ekani aniqlandi. Bu haqda AOKAda o‘tkazilgan brifingda Veterinariya va chorvachilikni rivojlantirish davlat qo‘mitasi boshqarma boshlig‘i Alisher Safarov ma’lum qildi.
Uning so‘zlariga ko‘ra, 2022-yilning o‘tgan davri mobaynida poytaxt dehqon bozorlaridagi 30,6 ming tonna go‘sht, 103 ming tonna o‘simlik mahsulotlari, 163,8 million dona tuxum, 6,6 ming tonna sut va sut mahsulotlari veterinariya-sanitariya ekspertizasi laboratoriyasi tomonidan laboratoriya tahlillaridan o‘tkazilgan.
Tahlillar natijasiga ko‘ra, 6,8 tonna go‘sht va go‘sht mahsulotlari, 43,5 tonna o‘simlik, 89 ming dona tuxum, 4,7 tonna sut va sut mahsulotlari iste’molga yaroqsiz ekani aniqlangan va savdodan chetlashtirilib, zararsizlantirib yo‘qotilgan.
Davlat veterinariya xizmati va ichki ishlar idoralari bilan hamkorlikda 58 holatda amaldagi qonun talablari va normalarining buzilish holatlarida jami 12 tonna go‘sht va go‘sht mahsulotlari iste’molga yaroqsizligi aniqlanib, o‘rnatilgan tartibda zararsizlantirilgan.
Mavzuga doir:
- Qashqadaryoda Toshkentga kelib chiqishi noma’lum bo‘lgan 150 kg go‘sht olib ketayotgan Cobalt to‘xtatib qolindi
- Surxondaryodan Toshkentga 200 kilodan ortiq iste’molga yaroqsiz go‘sht olib ketayotgan Cobalt to‘xtatib qolindi
- Jizzaxda Nexia yukxonasi va salonidan Toshkentga olib ketilayotgan 712 kg noma’lum hayvon go‘shti topildi
Izoh (0)