Bug‘doy jahon narxi keskin ko‘tarildi — bu Hindistonning eksport cheklovlari natijasidir

Hindiston hukumati mamlakat oziq-ovqat xavfsizligini ta’minlash maqsadida bug‘doy eksportini chekladi, deb yozadi Times of India gazetasi.

Mamlakat bug‘doy bozorida yetakchi yetkazib beruvchilardan biri bo‘lgan Ukraina o‘rnini bosa olishiga umid qilingan edi.

Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) hisob-kitoblariga ko‘ra, urush boshlanishidan oldin, Rossiya va Ukrainaga dunyo don eksportining uchdan biridan ko‘prog‘i to‘g‘ri kelgan.

Hindiston Xitoydan keyin dunyodagi eng yirik bug‘doy ishlab chiqaruvchisi. Mamlakat har yili 107,59 million tonnadan ortiq bug‘doy ishlab chiqaradi, biroq uning asosiy qismi ichki bozorga to‘g‘ri keladi.

Mamlakatning butunjahon bug‘doy bozorining kichik ulushiga ega bo‘lsa ham, bu taqiq jahon narxlarining oshishiga olib keldi.

Xususan, fyucherslar 5,9 foizga oshib, bir bushel uchun 12,47 dollarni tashkil qildi, bu ikki oydagi eng yuqori ko‘rsatkichdir.

Avvalroq O‘zbekistonda g‘alla sotish bozor munosabatlariga o‘tkazilayotgani haqida xabar berilgan edi.