Texnik muammolari sababli bitkoin 45 200 dollargacha tushib ketdi

Dunyodagi eng yirik kriptovalyuta bugun tushgacha 3,3 foizga pasayib, 44 252 dollar bo‘lib qolgan edi. Keyinchalik sekin asta ko‘tarila boshladi va hozirda uning narxi 45 240 dollar bo‘lib turibdi. Bitkoin hafta boshidan beri 4-marta pasayish tendensiyasida. Bu haqda Bloomberg xabar bermoqda.

Dushanba kuni bitkoin 48 ming dollargacha ko‘tarilgan edi. Bu ushbu kriptovalyuta uchun yil boshidan beri eng baland ko‘rsatkich.

Bitkoin va boshqa raqamli aktivlar bir kechada turli omillar tufayli pasayib ketdi. Texnik jihatdan, bozorlarda kriptovalyutalar haddan tashqari ko‘p sotib olinmoqda. Biz vaziyat mo‘tadillashishini kutmoqdamiz, — deydi Alpha Impact ijtimoiy savdo platformasining bosh ijrochi direktori Xayden Xyuz.

JPMorgan tahlilchilarining fikriga ko‘ra, bozor dinamikasi va aktivlarning dollar kabi an’anaviy valyutalarga bog‘langanligi ham narxlar oshishiga olib kelishi mumkin. 

Forbes nashri esa bitkoin narxining tushishiga bozorlarning kriptovalyutalarga hali tayyor emasligini sabab qilib ko‘rsatgan.