Bitkoin narxi yil boshidan beri eng yuqori cho‘qqiga chiqdi

Bitkoin 4,41 foizga oshib, Toshkent vaqti bilan 28-mart 03:07 da 46 499,29 dollarni tashkil etdi. O‘sish ko‘rsatkichi avvalgi qiymatga nisbatan qariyb 2 ming dollar bo‘ldi. Bu haqda Reuters xabar bermoqda.

Dunyodagi eng yirik va eng mashhur kriptovalyuta bo‘lgan bitkoin yanvardagi 32 950,72 dollarlik tushishdan beri 41,1 foizga o‘sdi.

Yakshanba kuni Ethereum blokcheyn tarmog‘iga ulangan Ether tangasi 3,92 foizga oshib, 3270,67 dollarni tashkil etdi va 123,45 dollarga ko‘tarildi.

Tahlilchilarning fikricha, bitkoin narxi barqarorlashmoqda, chunki ushbu kriptovalyuta ketma-ket 7-kun o‘sishga erishmoqda.

Ayni paytda bitkoin 47 ming dollar atrofida sotilmoqda va kechgacha 47,6 mingga yetishi mumkin.

Bitkoin 2-yanvardan beri o‘zining eng yuqori cho‘qqisiga erishdi. So‘ngi bir hafta ichida uning narxi 13,5 foizga oshdi.

Bozordagi o‘zgaruvchanlik va o‘sish so‘nggi 24 soat ichida 410 million dollardan ortiq likvid pozitsiyalarga olib keldi.