Ҳиндистон ҳукумати мамлакат озиқ-овқат хавфсизлигини таъминлаш мақсадида буғдой экспортини чеклади, деб ёзади Times of India газетаси.
Мамлакат буғдой бозорида етакчи етказиб берувчилардан бири бўлган Украина ўрнини боса олишига умид қилинган эди.
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти (FAO) ҳисоб-китобларига кўра, уруш бошланишидан олдин, Россия ва Украинага дунё дон экспортининг учдан биридан кўпроғи тўғри келган.
Ҳиндистон Хитойдан кейин дунёдаги энг йирик буғдой ишлаб чиқарувчиси. Мамлакат ҳар йили 107,59 миллион тоннадан ортиқ буғдой ишлаб чиқаради, бироқ унинг асосий қисми ички бозорга тўғри келади.
Мамлакатнинг бутунжаҳон буғдой бозорининг кичик улушига эга бўлса ҳам, бу тақиқ жаҳон нархларининг ошишига олиб келди.
Хусусан, фьючерслар 5,9 фоизга ошиб, бир бушел учун 12,47 долларни ташкил қилди, бу икки ойдаги энг юқори кўрсаткичдир.
Аввалроқ Ўзбекистонда ғалла сотиш бозор муносабатларига ўтказилаётгани ҳақида хабар берилган эди.
Изоҳ (0)