Futbol bo‘yicha Italiya A Seriyasining 37-turidan o‘rin olgan o‘yinda “Yuventus” 16-may, dushanba kuni “Latsio” bilan bahs yuritdi.
Turning markaziy o‘yini maqomida o‘tgan bahsga Turin mezbonlik qildi. Mezbonlar Dushan Vlahovich va Alvaro Morataning gollari evaziga tanaffusga 2:0 hisobidagi ustunlik bilan chiqqandi. Biroq o‘yinning ikkinchi 45 daqiqaligida “Latsio” vaziyatni o‘nglashning uddasidan chiqdi. Bo‘lim avvalida Aleks Sandro avtogol muallifiga aylangan bo‘lsa, 90+5-daqiqaga kelib, Sergey Milinkovich-Savich muvozanatni tikladi. Shu tariqa jamoalar bir ochkodan bo‘lishib oldi.
Chempionat yakunlanishiga bir tur qolganida “Yuventus” 70 ochko bilan 4-o‘rinda bormoqda, “Latsio” (63) esa 5-pog‘onani band qilgan.
A Seriya
37-tur bahsi
16-may, dushanba
“Yuventus” – “Latsio” 2:2
Gollar: 1:0 – 10 Vlahovich, 2:0 – 36 Morata, 2:1 – 51, avtogol Aleks Sandro, 2:2 – 90 Milinkovich-Savich.“Yuventus”: Perin, Kyellini (de Ligt, 18), Bonuchchi, Aleks Sandro, Lokatelli (Ake, 62), Miretti, Kuadrado, Morata (Pellegrini, 62), Dibala (Palumbo, 78), Bernardeski, Vlahovich (Kin, 62).
“Latsio”: Strakosha, Acherbi, Gabarron, Marushich, Luis Alberto (Bashich, 76), Kataldi (Leyva, 77), Milinkovich-Savich, Ladzari (Radu, 84), Zakkani, Felipe Anderson, Jovane Kabral (Pedro, 52).
Ogohlantirishlar: Acherbi (41), Bernardeski (45), Kuadrado (68), Ake (80), Milinkovich-Savich (83), Gabarron (90).
Izoh (0)