Футбол бўйича Италия А Сериясининг 37-туридан ўрин олган ўйинда «Ювентус» 16 май, душанба куни «Лацио» билан баҳс юритди.
Турнинг марказий ўйини мақомида ўтган баҳсга Турин мезбонлик қилди. Мезбонлар Душан Влаҳович ва Альваро Моратанинг голлари эвазига танаффусга 2:0 ҳисобидаги устунлик билан чиққанди. Бироқ ўйиннинг иккинчи 45 дақиқалигида «Лацио» вазиятни ўнглашнинг уддасидан чиқди. Бўлим аввалида Алекс Сандро автогол муаллифига айланган бўлса, 90+5-дақиқага келиб, Сергей Милинкович-Савич мувозанатни тиклади. Шу тариқа жамоалар бир очкодан бўлишиб олди.
Чемпионат якунланишига бир тур қолганида «Ювентус» 70 очко билан 4-ўринда бормоқда, «Лацио» (63) эса 5-поғонани банд қилган.
А Серия
37-тур баҳси
16 май, душанба
«Ювентус» – «Лацио» 2:2
Голлар: 1:0 – 10 Влаҳович, 2:0 – 36 Мората, 2:1 – 51, автогол Алекс Сандро, 2:2 – 90 Милинкович-Савич.«Ювентус»: Перин, Кьеллини (де Лигт, 18), Бонуччи, Алекс Сандро, Локателли (Аке, 62), Миретти, Куадрадо, Мората (Пеллегрини, 62), Дибала (Палумбо, 78), Бернардески, Влаҳович (Кин, 62).
«Лацио»: Стракоша, Ачерби, Габаррон, Марушич, Луис Альберто (Башич, 76), Каталди (Лейва, 77), Милинкович-Савич, Ладзари (Раду, 84), Заккани, Фелипе Андерсон, Жоване Кабрал (Педро, 52).
Огоҳлантиришлар: Ачерби (41), Бернардески (45), Куадрадо (68), Аке (80), Милинкович-Савич (83), Габаррон (90).
Изоҳ (0)