UFC. Yan Blahovichda g‘alaba, Kutselaba 1-raunddayoq taslim etildi. Musobaqaning oltita jangi muddatidan avval yakunlandi

Toshkent vaqti bilan 15-may tongida AQShning Las-Vegas shahrida UFC musobaqasi bo‘lib o‘tdi.

MMA kechasining asosiy jangi yarim og‘ir vazn toifasi sobiq chempioni Yan Blahovich (29-9) va Aleksandr Rakich (14-3) o‘rtasida kechdi. Jang Blahovichning ustunligida boshlandi. Bellashuvning 3-raundida Rakich oyog‘idagi jarohat bois jangni davom ettira olmadi va Yanga texnik nokautli g‘alaba yozildi.

Musobaqa doirasidagi 11 ta jangning oltitasi muddatidan avval yakunlandi.

Natijalar bilan tanishing:

Asosiy kard

• Yan Blahovich 3-raunddagi texnik nokaut evaziga Aleksandr Rakichni yengdi;
• Rayan Spann 1-raundda sabmishen bilan Ion Kutselabani taslim etdi;
• Deyvi Grant 3-raundda Luis Smolkani nokautga uchratdi;
• Ketlin Chukagyan ochkolar evaziga Amanda Ribasni yutdi;
• Manuel Torres 1raunddagi texnik nokaut evaziga Frenk Kamachoni mag‘lub etdi;
• Allan Nasimentu ochkolar evaziga Jeyk Hedlini yengdi.

• Vivian Arauxo ochkolar evaziga Andrea Lini mag‘lubiyatga uchratdi;
• Maykl Jonson 2-raundda Alan Patrikni nokautga uchratdi;
• Virna Yandiroba ochkolar evaziga Anjela Hillni yutdi;
• Tatsuro Taira ochkolar evaziga Karlos Kandelariodan ustun keldi;
• Andre Petrovski 1-raundda sabmishen orqali Nik Maksimovni taslim qildi.