UFC. Ян Блаҳовичда ғалаба, Куцелаба 1-раунддаёқ таслим этилди. Мусобақанинг олтита жанги муддатидан аввал якунланди

Тошкент вақти билан 15 май тонгида АҚШнинг Лас-Вегас шаҳрида UFC мусобақаси бўлиб ўтди.

MMA кечасининг асосий жанги ярим оғир вазн тоифаси собиқ чемпиони Ян Блаҳович (29-9) ва Александр Ракич (14-3) ўртасида кечди. Жанг Блаҳовичнинг устунлигида бошланди. Беллашувнинг 3-раундида Ракич оёғидаги жароҳат боис жангни давом эттира олмади ва Янга техник нокаутли ғалаба ёзилди.

Мусобақа доирасидаги 11 та жангнинг олтитаси муддатидан аввал якунланди.

Натижалар билан танишинг:

Асосий кард

• Ян Блаҳович 3-раунддаги техник нокаут эвазига Александр Ракични енгди;
• Райан Спанн 1-раундда сабмишен билан Ион Куцелабани таслим этди;
• Дейви Грант 3-раундда Луис Смолкани нокаутга учратди;
• Кетлин Чукагян очколар эвазига Аманда Рибасни ютди;
• Мануэль Торрес 1раунддаги техник нокаут эвазига Фрэнк Камачони мағлуб этди;
• Аллан Насименту очколар эвазига Жейк Ҳедлини енгди.

• Вивиан Араухо очколар эвазига Андреа Лини мағлубиятга учратди;
• Майкл Жонсон 2-раундда Алан Патрикни нокаутга учратди;
• Вирна Яндироба очколар эвазига Анжела Ҳиллни ютди;
• Тацуро Таира очколар эвазига Карлос Канделариодан устун келди;
• Андре Петровски 1-раундда сабмишен орқали Ник Максимовни таслим қилди.