Xalqaro moliya instituti ekspertlari global iqtisodiy o‘sish bo‘yicha prognozlarini pasaytirib, global resessiyadan ogohlantirdi. Bu haqda RBK xabar berdi.
Buning sabablari orasida Ukraina atrofidagi vaziyat va Xitoydagi koronavirus pandemiyasining oqibatlari bor.
AQSHda moliyaviy sharoitning tez keskinlashishi, Ukrainadagi urush va Xitoyda koronavirusning tarqalishi bilan tushgan global o‘sish suratini yanada beqarorlashtirishi mumkin. Shu tufayli, biz 2022-yil uchun o‘sish prognozimizni keskin pasaytiramiz, — deydi ekspertlar.
Joriy yilda global o‘sish sur’atlari deyarli o‘zgarmay, pastligicha qolayotgan bo‘lsa-da, Rossiya va Ukraina yalpi ichki mahsulot hajmi pasaygan global iqtisodiyotning eng zaif qismlari sanaladi.
Joriy yilda jahonda YAIMning umumiy o‘sishi 2,2 foiz deb taxmin qilingan. AQSH uchun bu ko‘rsatkich 1,8 foiz, Yevropa uchun — 2,5 foiz deb baholangan.
Rossiya uchun prognoz salbiy — minus 15,0 foiz, Ukraina uchun alohida ma’lumotlar taqdim etilmagan. Xitoyda yalpi ichki mahsulotning o‘sishi 1,8 foizni tashkil etadi.
Prognozdagi o‘sish sur’atlarining pasayishi yevrohudud, Sharqiy Yevropa va Xitoyda yaqqol ko‘zga tashlanadi. Dunyoning qolgan qismi kamroq zarar ko‘rgan, — deya xulosa qiladi ekspertlar.
10-may kuni Rossiya Moliya vazirligining ichki prognoziga tayanib, vazirlik G‘arb sanksiyalarining kuchayishi fonida mamlakat iqtisodiyotida so‘nggi 30 yil ichida eng chuqur pasayish kutilayotgani haqida xabar berilgan.
Moliya vazirligining prognozlariga ko‘ra, yil oxiriga kelib Rossiya yalpi ichki mahsuloti 12 foizga qisqaradi. Bu holda resessiya iqtisodiyotning qariyb 10 yil davomida o‘sishini qoplaydi.
29-aprel kuni Rossiya banki qattiq sanksiyalar sharoitida Rossiya iqtisodiyotining qulashi chuqurligi haqida birinchi rasmiy prognozni berdi.
Markaziy bank real YAIM joriy yilda 8–10 foizga, 2023 yilda esa 0–3 foizga tushishini kutmoqda.
Avvalroq Rossiya iqtisodiyoti 1994-yildan beri eng katta qisqarishga duch kelishi haqida xabar berilgan edi.
Izoh (0)