Bir zumda memga aylangan mashhur film va seriallardagi kadrlar (foto)

Bugungi kunda turli xil memlar hayotimizning ajralmas qismiga aylandi va har qanday narsa ularning manbai bo‘lishi mumkin. Ko‘pincha mashhur filmlar va teleseriallardagi kadrlar memlarga sabab bo‘lmoqda. Shunday kadrlardan bir nechtasini e’tiboringizga havola qilamiz.

“Kalmar o‘yini”

O‘tgan kuzda xit bo‘lgan film tomoshabinlarni nafaqat inson hayotining qadr-qimmati haqida fikr yuritishga o‘rgatdi, balki ko‘plab memlarga ham sabab bo‘ldi. Qiziqarli suratlarning asosiy qahramonlaridan biri umidsiz, keyin esa birdaniga quvonib ketgan 001 raqamli qariya edi. Odatda bu mem bilan qarama-qarshi holat tasvirlanadi. Masalan: “Men kun bo‘yi” va “Men soat 2 da”; “Pul topishim kerak bo‘lganda men” va “Pul sarflashim kerak bo‘lganda men”.

Memlarning yana biri mumkatak tanlovi bo‘lib, unda ishtirokchilar karameldan yasalgan shaklni sindirmasdan ehtiyotkorlik bilan kesib olishlari kerak edi. Ular ichida, ayniqsa, soyabon ko‘rinishidagi shakl ommalashib ketdi. O‘yinda bu eng qiyini edi, shuning uchun bu tasvir xavfli va amalga oshirish qiyin bo‘lgan narsaning ramziga aylandi. Misol uchun:

O‘qituvchi: “Xavotir olmang, imtihon oson bo‘ladi”.

Imtihonda esa:

Umuman olganda, filmdan so‘ng mumkatak juda mashhur bo‘lib ketdi va hatto internetda bu shirinliklarni uyda qanday tayyorlash bo‘yicha retseptlar paydo bo‘ldi.

“Yulduzlar jangi. II qism: Klonlar hujumi”

Ushbu filmda Enakin va Padmening birgalikdagi piknigi sahnasiga e’tibor qaratilgan. Originalda Enakin dunyoni o‘zgartirish rejalari haqida gapirib beradi, ammo ular Padme o‘ylagandek qiziq bo‘lib chiqmaydi.

Ushbu mem turli odamlarning yashirin niyatlarini, shuningdek, behuda umidlarni aks ettiradi. Masalan: “Agar men Word dasturida jadvalni sursam, butun matn buzilmaydimi? Buzilmaydi, to‘g‘rimi? Yoki: “Men imtihondaman. Miyam: “Biz tayyorlanganmiz, to‘g‘rimi? Xo‘sh, shundaymi?”

“Taxtlar o‘yini”

Emiliya Klarkning “Taxtlar o‘yini”dagi yuz ifodalari alohida tahlilga arziydi. Epizodlarning birida u yuzini shunday burishtirdiki, bir zumda memlar qahramoniga aylandi. Bunday mem kimgadir taqlid qilish uchun ishlatiladi. Yaxshi ta’sir qilishi uchun raqibning iborasi masxara qiluvchi ohangda yozilgan bo‘lishi kerak.

“Qasoskorlar”

Ushbu filmda kichik Robert Dauni Toni Stark rolida ko‘zlarini shu qadar aniq aylantirdiki, u darhol barcha yo‘nalishdagi memlar qahramoniga aylandi. Odatda bu mem suhbatdoshga g‘azab yoki noroziligingizni ifoda etishingiz kerak bo‘lgan hollarda yuboriladi. Ko‘pincha unga bunday his-tuyg‘ularni keltirib chiqaradigan vaziyatni ko‘rsatadigan yozuvlar qo‘shiladi. Masalan: “Kelishgan odam semizman desa, o‘sha tuyg‘u”.

“Qaysarning quyilishi”

Adriano Chelentanoning qahva ichib, suhbatdoshiga nafrat bilan qaragan kadri odatda kinoyani namoyish qilish uchun ishlatiladi: “Siz ham 14-fevralni intiqlik bilan kutyapsizmi? — Ha, sabrim yetmayapti!” Yoki: “Mening sovunimga kir yuvmabsan hali” kabi.

“La’natlanganlar oroli”

Martin Skorseze filmidagi Di Kaprioning yuzidagi alamli ifoda internet foydalanuvchilariga cheksiz sonli memlarni yaratishga imkon berdi. Originalida bu sahna Di Kaprioning Mark Ruffalo bilan suhbatini nazarda tutgan, unda ikkinchisi noqulay savol beradi va bunday qarash javobga aylanadi. Odatda bunday memlar suhbatdoshni jiddiy bezovta qiladigan mavzularga javob tariqasida beriladi. Klassiklardan: “Yozni qanday o‘tkazding?”, “Imtihon qanday o‘tdi?”.

“Uzuklar hukmdori: Uzuklar birodarligi”

Ko‘pchilik sehrgar Gendalf o‘z safdoshlarini iblisdan qutqarish uchun ko‘prikni yiqitib, baland ovozda: “Sen o‘tolmaysan!” deb baqirganini eslasa kerak. Bu qichqiriq ham memga aylandi, mazkur mem hamma narsani to‘xtatish istagini bildiradi.

“Loy”

Jeyms MakAvoy qahramonining hojatxonada jazavasi tutadi va uning yuzida so‘zsiz savol paydo bo‘ladi: “Nimalar bo‘lyapti o‘zi?”. Ushbu mem darhol virusga aylandi, chunki u chuqur stress va hayratlanish holatini juda yaxshi tasvirlaydi.

“O‘rgimchak odam”

“Bilasizmi, aslida men ham olimman” — bu iborani Villem Dafo bosh qahramon bilan uchrashganda aytadi. Bugungi kunda bu mem odatda juda shubhali yutuqlarga — o‘zining ham, boshqalarning ham istehzoli izohi uchun ishlatiladi.

“Yulduzli yo‘l”

Ushbu filmda Patrik Styuart qahramoni shunchaki qo‘lini yuziga qo‘yadi, natijada esa birovning ahmoqligi haqidagi ko‘plab memlarning qahramoniga aylandi. “Facepalm” so‘zining eng yaxshi tasviri.

“Vanda/Vijn”

2021-yil yanvar oyida Marvel’ning komikslar asosida yaratilgan “Vanda/Vijn” seriali chiqdi. Aktrisa Ketrin Xan unda asosiy qahramonlarning kulgili va biroz bezor qiladigan qo‘shnisi rolini o‘ynadi. Aslida esa u kuchli va qadimiy jodugar bo‘lib chiqadi. Uning ifodali ko‘z qisib qo‘ygan kadri so‘nggi paytlarning eng mashhur kino memlaridan biriga aylandi, bu ochiqchasiga firib berish va vaziyatga shama qilishni anglatadi.