Бугунги кунда турли хил мемлар ҳаётимизнинг ажралмас қисмига айланди ва ҳар қандай нарса уларнинг манбаи бўлиши мумкин. Кўпинча машҳур фильмлар ва телесериаллардаги кадрлар мемларга сабаб бўлмоқда. Шундай кадрлардан бир нечтасини эътиборингизга ҳавола қиламиз.
«Калмар ўйини»
Ўтган кузда хит бўлган фильм томошабинларни нафақат инсон ҳаётининг қадр-қиммати ҳақида фикр юритишга ўргатди, балки кўплаб мемларга ҳам сабаб бўлди. Қизиқарли суратларнинг асосий қаҳрамонларидан бири умидсиз, кейин эса бирданига қувониб кетган 001 рақамли қария эди. Одатда бу мем билан қарама-қарши ҳолат тасвирланади. Масалан: «Мен кун бўйи» ва «Мен соат 2 да»; «Пул топишим керак бўлганда мен» ва «Пул сарфлашим керак бўлганда мен».
Мемларнинг яна бири мумкатак танлови бўлиб, унда иштирокчилар карамелдан ясалган шаклни синдирмасдан эҳтиёткорлик билан кесиб олишлари керак эди. Улар ичида, айниқса, соябон кўринишидаги шакл оммалашиб кетди. Ўйинда бу энг қийини эди, шунинг учун бу тасвир хавфли ва амалга ошириш қийин бўлган нарсанинг рамзига айланди. Мисол учун:
Ўқитувчи: «Хавотир олманг, имтиҳон осон бўлади».
Имтиҳонда эса:
Умуман олганда, фильмдан сўнг мумкатак жуда машҳур бўлиб кетди ва ҳатто интернетда бу ширинликларни уйда қандай тайёрлаш бўйича рецептлар пайдо бўлди.
«Юлдузлар жанги. II қисм: Клонлар ҳужуми»
Ушбу фильмда Энакин ва Падменинг биргаликдаги пикниги саҳнасига эътибор қаратилган. Оригиналда Энакин дунёни ўзгартириш режалари ҳақида гапириб беради, аммо улар Падме ўйлагандек қизиқ бўлиб чиқмайди.
Ушбу мем турли одамларнинг яширин ниятларини, шунингдек, беҳуда умидларни акс эттиради. Масалан: «Агар мен Word дастурида жадвални сурсам, бутун матн бузилмайдими? Бузилмайди, тўғрими? Ёки: «Мен имтиҳондаман. Миям: «Биз тайёрланганмиз, тўғрими? Хўш, шундайми?»
«Тахтлар ўйини»
Эмилия Кларкнинг «Тахтлар ўйини»даги юз ифодалари алоҳида таҳлилга арзийди. Эпизодларнинг бирида у юзини шундай буриштирдики, бир зумда мемлар қаҳрамонига айланди. Бундай мем кимгадир тақлид қилиш учун ишлатилади. Яхши таъсир қилиши учун рақибнинг ибораси масхара қилувчи оҳангда ёзилган бўлиши керак.
«Қасоскорлар»
Ушбу фильмда кичик Роберт Дауни Тони Старк ролида кўзларини шу қадар аниқ айлантирдики, у дарҳол барча йўналишдаги мемлар қаҳрамонига айланди. Одатда бу мем суҳбатдошга ғазаб ёки норозилигингизни ифода этишингиз керак бўлган ҳолларда юборилади. Кўпинча унга бундай ҳис-туйғуларни келтириб чиқарадиган вазиятни кўрсатадиган ёзувлар қўшилади. Масалан: «Келишган одам семизман деса, ўша туйғу».
«Қайсарнинг қуйилиши»
Адриано Челентанонинг қаҳва ичиб, суҳбатдошига нафрат билан қараган кадри одатда кинояни намойиш қилиш учун ишлатилади: «Сиз ҳам 14 феврални интиқлик билан кутяпсизми? — Ҳа, сабрим етмаяпти!» Ёки: «Менинг совунимга кир ювмабсан ҳали» каби.
«Лаънатланганлар ороли»
Мартин Скорсезе фильмидаги Ди Каприонинг юзидаги аламли ифода интернет фойдаланувчиларига чексиз сонли мемларни яратишга имкон берди. Оригиналида бу саҳна Ди Каприонинг Марк Руффало билан суҳбатини назарда тутган, унда иккинчиси ноқулай савол беради ва бундай қараш жавобга айланади. Одатда бундай мемлар суҳбатдошни жиддий безовта қиладиган мавзуларга жавоб тариқасида берилади. Класциклардан: «Ёзни қандай ўтказдинг?», «Имтиҳон қандай ўтди?».
«Узуклар ҳукмдори: Узуклар биродарлиги»
Кўпчилик сеҳргар Гендалф ўз сафдошларини иблисдан қутқариш учун кўприкни йиқитиб, баланд овозда: «Сен ўтолмайсан!» деб бақирганини эсласа керак. Бу қичқириқ ҳам мемга айланди, мазкур мем ҳамма нарсани тўхтатиш истагини билдиради.
«Лой»
Жеймс МакАвой қаҳрамонининг ҳожатхонада жазаваси тутади ва унинг юзида сўзсиз савол пайдо бўлади: «Нималар бўляпти ўзи?». Ушбу мем дарҳол вирусга айланди, чунки у чуқур стресс ва ҳайратланиш ҳолатини жуда яхши тасвирлайди.
«Ўргимчак одам»
«Биласизми, аслида мен ҳам олимман» — бу иборани Виллем Дафо бош қаҳрамон билан учрашганда айтади. Бугунги кунда бу мем одатда жуда шубҳали ютуқларга — ўзининг ҳам, бошқаларнинг ҳам истеҳзоли изоҳи учун ишлатилади.
«Юлдузли йўл»
Ушбу фильмда Патрик Стюарт қаҳрамони шунчаки қўлини юзига қўяди, натижада эса бировнинг аҳмоқлиги ҳақидаги кўплаб мемларнинг қаҳрамонига айланди. «Facepalm» сўзининг энг яхши тасвири.
«Ванда/Вижн»
2021 йил январь ойида Marvel’нинг комикслар асосида яратилган «Ванда/Вижн» сериали чиқди. Актриса Кетрин Хан унда асосий қаҳрамонларнинг кулгили ва бироз безор қиладиган қўшниси ролини ўйнади. Аслида эса у кучли ва қадимий жодугар бўлиб чиқади. Унинг ифодали кўз қисиб қўйган кадри сўнгги пайтларнинг энг машҳур кино мемларидан бирига айланди, бу очиқчасига фириб бериш ва вазиятга шама қилишни англатади.
Мавзуга доир:
- Рақсга тушаётган тобуткашлар ҳақидаги мем 1 млн долларга сотилди. Маблағнинг чорак қисми Украинага хайрия қилинади (видео)
- «Карл, сен ҳақингда тилшунослар ҳам ёзишди. Тилчилар, Карл!» — блогер ва мемчиларнинг севимли қаҳрамони Карл ҳақида
- Ёнаётган уй сурати 2020 йилнинг янги мемига айланди. Ҳамма гап ойнадан сакраб қочишга уринган мушукда
Изоҳ (0)