Filmdagi qahramonlarining his-tuyg‘u va muammolarini real ko‘rsata olgan mahoratli aktyor va aktrisalar (foto)

Ko‘pincha kinoda shunaqangi ideal odamlarni ko‘rsatishadiki, tomoshabinlar ularga hamdard bo‘lolmaydi. Ammo shunday realistik filmlar va seriallar ham borki, ularda qahramonlar yig‘laydi, kuladi va haqiqiy odamlar kabi yashaydi. Bunday kadrlarda aktyorlarning iste’dodli va vizajistlarning mahorati aniq namoyon bo‘ladi.

Keyt Uinslet — “Isttaunlik Meyr”

Keyt odatda fotolarni retushlash va qayta ishlashga salbiy munosabatda bo‘lib, bu “Isttaunlik Meyr” teleserialida to‘liq namoyon bo‘lgan. Aktrisa ajinlarini yashirishni ham xohlamadi. Tomoshabinlar esa o‘zi kabi oddiy odamni tomosha qilayotganiga tobora ko‘proq ishondi.

Eva Grin — “Eyforiya”

Eva Grinning qahramoni depressiyani boshdan kechirmoqda. Kadrda u ko‘z yosh to‘kmasa ham, qizning ichki holatini tashqi ko‘rinishidan bilib olish mumkin. Keng kiyim qahramonning vazn yo‘qotganini ko‘rsatmoqda. So‘niq nigoh, rangpar teri, hatto ko‘z ostidagi qora halqalar — bularning barchasi psixologik muammolarni ko‘rsatadi.

Jennifer Eniston — “Tort”

Jennifer Enistonning qahramoni doimiy og‘riq bilan yashaydi, u har doim ham manikyur haqida qayg‘urmaydi — uning notekis, biroz singan tirnoqlarini ko‘rish mumkin. Ammo bu obrazni buzmaydi, balki xarakterga realizm qo‘shadi.

Liza Teyge va Yusefina Frida Petterson — “Uyat”

“Uyat” serialining qahramonlari o‘smir qizlar bo‘lib, ular rolga juda mos tushgan. Terisining nomukammalligi, sochlarining biroz paxmaygani, sovuqdan qizarib ketgan burunlari hayotiy chiqqan. Oddiy odamlar sovuqda ko‘chaga chiqqanda xuddi shunday ko‘rinadi.

Nikolay Koster-Valdau — “Muz bilan kurash”

Nikolay Koster-Valdau qahramoni og‘ir sharoitda, qahraton sovuqda qolib ketgan. Bu uning yuzida aks etadi: yonoqlarida muzlash izlari ko‘rinadi.

Lili Kollinz — “Xo‘rlanganlar”

“Xo‘rlanganlar” — jiddiy drama. Ammo iste’dodli aktrisa Lili Kollinz rolga tusha oldi: uning his-tuyg‘ulariga ishonish uchun qizarib ketgan ko‘zlariga va biroz shishgan yuziga qarash kifoya.

Margo Robbi — “Ikki qirolicha”

Aktrisa zamonaviy yuz muolajalari hali ixtiro qilinmagan davrda yashagan personajni o‘ynadi. Obraz ishonarli chiqishi uchun teridagi kamchiliklarni ko‘rishimiz ajablanarli hol emas, albatta.

Nikol Kidman – “Yumilgan ko‘zlar bilan”

“Yumilgan ko‘zlar bilan” filmidagi Nikolning qahramoni hayotda omadi yurishmaganlardan. Ayol azob chekadi va juda real tarzda yig‘laydi — bu qizarib ketgan ko‘zlar va burunda aniq ko‘rinadi.

Skarlett Yoxansson — “Boleynning yana bir qizi”

Skarlett ekranda tarixiy xarakterni gavdalantirdi. O‘sha davrlarda breketlar va tish plastinkalari yo‘q edi, shuning uchun qahramonning bir oz notekis tishlarida hech qanday sun’iylik yo‘q. Aksincha, bu qizning yuzidagi his-tuyg‘ular kabi tabiiy va ishonarli chiqqan.

Jennifer Konnelli — “Orzudagi motam kuyi”

Jenniferning qahramoni qiyin davrni boshdan kechiradi, vanihoyat stress ko‘z yoshlari bilan chiqish yo‘lini topdi. Bu ikki yoki uchta tomchi ko‘z yosh emas — tom ma’noda uning butun yuzi, shu jumladan, burni va lablari ham namlangan. Odatda odam ko‘p yig‘lasa shunday bo‘ladi.