“Yuventus” Italiya Kubogi finalida “Inter”ga 2:4 hisobida imkoniyatni boy berdi.
Shu tariqa turinliklar 2021/22-yilgi mavsumda qo‘lga kiritishi mumkin bo‘lgan so‘nggi sovrinidan ham mosuvo bo‘ldi.
Massimiliano Allegri jamoasi Chempionlar Ligasi 1/8 finalida “Vilyarreal”ga imkoniyatni boy berib, musobaqani tark etgandi. Shuningdek, Italiya Superkubogida ham mag‘lub bo‘lgan edi. Undan tashqari skudettoni ham qo‘lga kiritish imkoniyatidan mahrum bo‘ldi.
“Yuventus” 2010/11-yilgi mavsumdan buyon ilk bor sovrinsiz qolmoqda.
Italiya Kubogi finalidagi mag‘lubiyat turinliklar tarixida yettinchisi bo‘ldi. Jamoa ushbu musobaqada 14 marta g‘olib bo‘lgan va bu borada mamlakat rekordchisi hisoblanadi.
Izoh (0)