«Бунёдкор» бош мураббийи Шуҳрат Мақсудов истеъфога чиқарилди. Бу ҳақда клуб матбуот хизмати маълум қилди.
«Бунёдкор» бунга сабаб қилиб сўнгги ўйинларда қайд этилган қониқарсиз натижаларни кўрсатган. Мақсудов билан бирга мураббий Арам Ананян ва дарвозабонлар мураббийи Абдусаттор Раҳимов ҳам ўз лавозимидан озод этилган.
Виктор Карпенко «Бунёдкор» бош мураббийи вазифасини бажарувчи этиб тайинланган. Бунга қадар у жамоада бош мураббий ёрдамчиси бўлиб ишлаб келганди.
Мақсудов 2021 йилнинг март ойида «Бунёдкор» бош мураббийи этиб тайинланганди. У ўша вақтда Ўзбекистон терма жамоаси сабаб клубни тарк этган Вадим Абрамовнинг ўрини эгаллаганди.
«Бунёдкор» Суперлига жорий мавсумида 8 ўйинда 11 очко тўплаган ҳолда 5-поғонада бормоқда.
Изоҳ (0)