Balenciaga modalar uyi 2022-yilning birinchi choragida yana dunyodagi eng mashhur brendga aylandi. Bu Lyst platformasini o‘rganish natijasida ma’lum bo‘ldi.
Qayd etilishicha, o‘tgan chorakda brend mahsulotlariga bo‘lgan talab Kim Kardashian va Jastin Biberning reklama kampaniyalarida qatnashgani tufayli 108 foizga oshgan.
Ukrainadagi mojarolarga qaramay, moda uyi o‘z an’analarini saqlab qolishda davom etdi va shu bilan birga mijozlarning o‘z mahsulotlariga qiziqishini faol oshira boshladi.
Ikkinchi va uchinchi o‘rinlarda Gucci va Louis Vuitton ko‘rsatilgan. Ushbu brendlar odatda har doim Lyst'ning kuchli beshligiga kiradi. To‘rtinchi o‘rin Prada brendiga tegishli bo‘ldi. Kuchli beshlikka Valentino yakun yasadi.
Dior, Moncler, Bottega Veneta, Fendy va Miu Miu brendlari 6-10-o‘rinlarni egalladi.
Avvalroq Dunyodagi eng qimmat media brend e’lon qilingandi.
Izoh (0)