Gavanada Kuba parlamenti ro‘parasida joylashgan binoda portlash yuz berdi (video)

Gavana markazida joylashgan “Saratoga” mehmonxonasida portlash sodir bo‘ldi. Bu haqda “RIA Novosti” xabar tarqatgan.

Portlash oqibatida binoning bir qismi vayron bo‘lgan. CNN xabariga ko‘ra, mehmonxona yaqinida bo‘lgan avtobus va avtomobillarga ham shikast yetgan.

Hodisaga nima sabab bo‘lganiga hali aniqlik kiritilmagan. Taxminlardan biriga ko‘ra chaqnash hodisasi sisternadan tabiiy gaz sizib chiqishi oqibatida yuzaga kelgan. Halok bo‘lganlar yoki talafot ko‘rganlar borasida rasmiy axborot berilmagan.

Mehmonxonadagi portlash oqibatida 4 kishi halok bo‘lgan deya yozgan mahalliy OAV xabarlariga tayanib “TASS” hamda “RIA Novosti”. Shuningdek, hodisadan 13 kishi bedarak yo‘qolgan. Tibbiyot xodimlari portlashdan keyin ikki kihsining halok bo‘lgani, 19 nafar odam jarohat olganini bildirgan.

Hodisa joyiga politsiya, qutqaruvchilar va tez yordam mashinalari yetib kelgan. Odamlarni evakuatsiya qilish va vayronalar atrofini ko‘zdan kechirish ishlari amalga oshirilgan.

“Saratoga” besh yulduzli mehmonxonasi Gavana shahrining tarixiy markazida, Kapitoliy, ya’ni Kuba parlamenti binosiga yaqin yerda joylashgan. Mehmonxona 1880-yilda qurilgan va 2005-yilda qayta ta’mirlangan.

Avval Isroilning Elad shahrida noma’lum shaxslar o‘tkinchilarga hujum qilgani, oqibatda uch kishi halok bo‘lgani haqida xabar berilgandi.