Qo‘shma Shtatlar rossiyalik milliarder Sulaymon Kerimovga tegishli bo‘lgan 325 mln dollarlik Amadea megayaxtasini AQSH qonunlarini buzganlik, jumladan pul yuvish va fitna uchun musodara qildi. Bu haqda Bloomberg xabar bermoqda.
Fidji Oliy sudi 3-may kuni AQSH va mahalliy hokimiyat organlari tomonidan hashamatli kemani musodara qilish to‘g‘risidagi buyruqni qabul qildi.
6-may kuni sud musodara qilish to‘g‘risidagi qarorni vaqtincha to‘xtatib turish haqidagi arizani rad etdi. Yaxta mahalliy vaqt bilan payshanba kuni AQSH hukumatiga topshirildi.
Kerimov va uning nomidan ish olib borgan shaxslar Amerika moliya institutlari orqali Amadea yaxtasini qo‘llab-quvvatlash maqsadida dollardagi operatsiyalarni o‘z manfaati uchun yo‘naltirgan – sanksiya to‘g‘risidagi qonunlarni buzgan. Pul yuvish va fitna buzilishi ana shu operatsiyalar bular jumlasidandir.
Bu yaxtaning musodara qilinishi har bir korrupsion rossiyalik oligarxga, hatto dunyoning eng chekka qismida bo‘lsa ham mulklarini yashira olmasligini bildirishi kerak. Biz Rossiyaning Ukrainadagi asossiz urushga javoban joriy etilgan sanksiyalarni amalga oshirish uchun barcha vositalardan foydalanamiz, — dedi AQSH bosh prokurori o‘rinbosari Liza Monako.AQSH Vladimir Putinga aloqador yuzlab oligarxlar va Rossiyaning eng badavlat fuqarolarini Ukrainadagi urushni qo‘llab-quvvatlaganliklari uchun jazolash maqsadida bir necha marta sanksiyalar kiritdi.
G‘arb hukumatlari ularning aktivlarini, jumladan, samolyot va villalarini, o‘ndan ortiq megayaxtalarini musodara qildi.
Amadea yaxtasini musodara qilish jarayoni oson kechmaydi va bu ko‘p million dollarlik aktivlar kimga tegishli ekanligini isbotlash uchun qonuniy kurashlarga olib keladi, — deydi Bloomberg.
Kerimovga Buyuk Britaniya va Yevropa Ittifoqi tomonidan 15-mart kuni sanksiya qo‘yilgan edi. AQSH uni 2018-yilda Rossiya hukumati amaldori bo‘lgani uchun sanksiyalar ro‘yxatiga kiritgan.
Bloomberg Billionaires Index ma’lumotlariga ko‘ra, Kerimovning boyligi 15,9 mlrd dollarga yaqin. Uning oilasi Rossiyadagi eng yirik oltin ishlab chiqaruvchi Polyusning 46 foiz ulushiga ega.
Uning so‘zlarga ko‘ra Amadea kemasi Rossiya davlati nazoratidagi neft-gaz kompaniyasi “Rosneft Oil”ning sobiq raisi va bosh ijrochi direktori Eduard Xudainatovga tegishli. Xudaynatov sanksiyalar ro‘yxatida emas.
Avvalroq Alisher Usmonovning “Dilbar” yaxtasi ekipaj xodimlarisiz qolgani haqida xabar berilgan edi.
Izoh (0)