Shavkat Mirziyoyev raisligida 6-may kuni o‘tkazilgan yig‘ilishda elektrotexnika mahsulotlari eksporti hajmini 2023-yilda 1 milliard dollarga yetkazish muhimligi qayd etildi. Bu haqda prezident matbuot kotibi xabar qildi.
“Misol uchun, qo‘shni davlatlar yiliga o‘zimizda ishlab chiqarish mumkin bo‘lgan 6 milliard dollarlik elektrotexnika mahsulotlarini import qiladi. Lekin ushbu davlatlar importida O‘zbekistonda ishlab chiqarilgan mahsulotlar ulushi 5 foizga ham yetmaydi”, — degan prezident.
Eksportni oshirish uchun bojxona hududida qayta ishlash tizimini maishiy texnika misolida yo‘lga qo‘yish topshirilgan. Shuningdek, tayyor mahsulot eksportini kengaytirish uchun Elektrotexnika jamg‘armasiga 20 milliard so‘m ajratiladi.
Ichki bozorga sifatsiz va noqonuniy elektrotexnika mahsulotlari kirib kelishining oldini olish maqsadida:
- eski transformatorlarni importiga chek qo‘yishni;
- maishiy texnikalar markirovkasi tizimini joriy etishni qat’iy nazoratga olish vazifasi qo‘yilgan.
Izoh (0)