Shavkat Mirziyoyev 6-may kuni o‘tkazilgan elektrotexnika sohasiga doir yig‘ilishda qilinishi lozim navbatdagi ishlarni belgilab berdi. Bu haqda prezident matbuot kotibi xabar qildi.
Qayd etilishicha, 2022-yilda ishlab chiqarishni kamida 20 foizga oshirish vazifasi qo‘yilgan. “O‘zeltexsanoat” uyushmasi raisi yangi loyihalar bo‘yicha tinimsiz izlanishi shartligi ko‘rsatib o‘tilgan.
2021-yilda O‘zbekistonda ishlab chiqarish mumkin bo‘lgan 1,3 milliard dollarlik elektrotexnika mahsulotlari import qilingan.
Joriy yilda 500 ming xonadon ichimlik suvi bilan ta’minlanadi. Buning uchun suv isitish qozoni va quyosh kollektorlari, suv hisoblagichlari kerak bo‘ladi. Toshkent va Namanganda ushbu mahsulotlarni ishlab chiqarish bo‘yicha loyihalarni boshlashga ko‘rsatma berilgan. 2022-yilda 250 million dollarlik 86 ta loyihani ishga tushirish rejalashtirilgan.
“Jizzaxda 1 ta, Qoraqalpog‘iston, Qashqadaryo va Surxondaryoda 2 tadan, Buxoro, Namangan va Xorazmda 3 tadan loyihani ishga tushirish bo‘yicha rejalar meni qoniqtirmaydi. Har bir viloyat hokimida kamida 100 million dollarlik yangi elektrotexnika loyihalari bo‘lishi shart”, — degan prezident.
Mavzuga doir:
- O‘zbekistonda elektrotexnika, to‘qimachilik va oziq-ovqat sanoatidagi 400 ta korxonada xalqaro sertifikatlar joriy qilinadi
- Shavkat Mirziyoyev investitsiyalar va eksportni ko‘paytirish masalalariga bag‘ishlangan videoselektor yig‘ilishi o‘tkazdi
- “Zavodda ishlab chiqariladigan mahsulotlar jahondagi eng yuqori ekologik talablar, norma va standartlarga to‘liq javob beradi” — Shavkat Mirziyoyev Uzbekistan GTL haqida
Izoh (0)