Шавкат Мирзиёев раислигида 6 май куни ўтказилган йиғилишда электротехника маҳсулотлари экспорти ҳажмини 2023 йилда 1 миллиард долларга етказиш муҳимлиги қайд этилди. Бу ҳақда президент матбуот котиби хабар қилди.
«Мисол учун, қўшни давлатлар йилига ўзимизда ишлаб чиқариш мумкин бўлган 6 миллиард долларлик электротехника маҳсулотларини импорт қилади. Лекин ушбу давлатлар импортида Ўзбекистонда ишлаб чиқарилган маҳсулотлар улуши 5 фоизга ҳам етмайди», — деган президент.
Экспортни ошириш учун божхона ҳудудида қайта ишлаш тизимини маиший техника мисолида йўлга қўйиш топширилган. Шунингдек, тайёр маҳсулот экспортини кенгайтириш учун Электротехника жамғармасига 20 миллиард сўм ажратилади.
Ички бозорга сифатсиз ва ноқонуний электротехника маҳсулотлари кириб келишининг олдини олиш мақсадида:
- эски трансформаторларни импортига чек қўйишни;
- маиший техникалар маркировкаси тизимини жорий этишни қатъий назоратга олиш вазифаси қўйилган.
Изоҳ (0)