Qo‘shma Shtatlar endi Rossiyadan uran sotib olishga pul sarflamasligi kerak, dedi AQSH energetika vaziri Jennifer Granholm. Uning so‘zlariga ko‘ra, departament uranni barqaror ta’minlash strategiyasi ustida ishlamoqda. Bu haqda “Kommersant” xabar bermoqda.
Granholm xonim AQSH Senatining Energetika va tabiiy resurslar bo‘yicha qo‘mitasida bu borada gapirib o‘tgan.
Biz Rossiyaga Amerika energetikasi uchun yoki boshqa sabablarga ko‘ra pul jo‘natmasligimiz kerak, — deydi vazirJennifer Granholmning aytishicha, AQSH Energetika vazirligi uran yetkazib berish strategiyasini ishlab chiqmoqda. Qo‘shma Shtatlar o‘z yadroviy reaktorlarini kam boyitilgan uran yoqilg‘isi bilan ta’minlamoqchi. Gap 5 foizdan 20 foizgacha boyitilgan HALEU uran haqida bormoqda.
Agar biz hozir Rossiya uranidan voz kechsak, bunga ishonch hosil qilishni istaymiz, — deya qo‘shimcha qildi Granholm xonim.Bloomberg ma’lumotlariga ko‘ra, dunyodagi uranni boyitishning 35 foizdan ortig‘i “Rosatom” va uning sho‘ba korxonalariga to‘g‘ri keladi. Mart oyida amerikalik senatorlar Rossiyadan uran importini taqiqlovchi qonun loyihasini taqdim etgan edi.
Avvalroq AQSH O‘zbekiston va boshqa davlatlardan uran sotib olishni to‘xtatishi mumkinligi haqida xabar berilgan edi.
Izoh (0)