Ukrainadagi urushning yetmish birinchi kuni yakuniga yetdi. Mariupolda Rossiya qo‘shinlarining “Azovstal”ga hujumi davom etmoqda, shu bilan birga BMT Bosh kotibi Antoniu Guterrishning ma’lum qilishicha, 5-maydan 6-mayga o‘tar kechasi zavod va uning atrofidagi hududlardan 500 ga yaqin tinch aholi evakuatsiya qilingan. Ukraina harbiylari Xarkov va Izyum yo‘nalishlarida qarshi hujumni boshlaganiga qaramay, Rossiya armiyasi Xarkovning turar joy hududlariga hanuz zarba bermoqda. Zaporojye viloyatida dalalarni minadan tozalash ishlari olib borilmoqda. Kramatorsk yana o‘qqa tutildi: kamida 25 nafar tinch aholi yaralandi. Meduza 5-may suratlarini jamladi.
Mariupol
“Azovstal” hududi. “Azov” bataloni jangchilarining ta’kidlashicha, 5-may kuni Rossiya qo‘shinlari samolyotlar, artilleriya va piyodalar yordamida zavodga qarshi yangi hujum boshlagan. Shunga qaramay, BMT Bosh kotibi Antoniu Guterrishning aytishicha 5-maydan 6-mayga o‘tar kechasi zavod va uning atrofidagi hududlardan 500 ga yaqin tinch aholi evakuatsiya qilingan.Foto: Reuters
Mariupollik erkak o‘qqa tutilgan turar joy binosining kirish qismida ovqat tayyorlamoqda. Shahar Rossiya nazorati ostida: ular shaharga kiraverishdagi nomni ukrainchadan ruschaga o‘zgartirdi va “sovet bayrog‘ini tutgan buvi” haykalini ochdi.Foto: “TASS”
Xarkov viloyati
Xarkovdagi Saltovka aholi punkti uzra ko‘tarilgan tutun. 5-may kuni ertalab rus qo‘shinlari shaharni yana o‘qqa tutdi, dedi Xarkov viloyati davlat ma’muriyati rahbari Oleg Sinegubov. Jarohatlanglar yo‘q.Foto: Zuma
Saltovkada qo‘shnisining balkonidagi olovni o‘chirishga urinayotgan erkak. Oleg Sinegubovning so‘zlariga ko‘ra, Ukraina Qurolli kuchlari rus qo‘shinlarini Xarkovdan shimoliy yo‘nalishda ortga haydagan bo‘lsa-da, ular “tinch aholiga zarar yetkazishda” davom etmoqda.Foto: Zuma
Chuguyev shahridagi blokpostda bolalar askar o‘yinini o‘ynamoqdaFoto: AFP
Zaparojye
Grigoryevka qishlog‘i yaqinida fermerlar portlamay qolgan raketani olib ketmoqda. Ukraina hududining deyarli yarmi (taxminan 300 ming kvadrat kilometr) minalab tashlangan.Foto: AFP
Sapyorlar guruhi portlamagan raketani yo‘q qilishga hozirlik ko‘rmoqda. Ukrainada har kuni o‘rtacha 2000 dan 6000 gacha turli portlovchi moddalar zararsizlantirilmoqda.Foto: AFP
Minalardan tozalash vaqtidagi portlash. “Bahor kelyapti, o‘tlar o‘syapti, bir haftadan keyin portlovchi qurilmalar yuzada ko‘rinmay qoladi, faqat qurilmalar bilan aniqlashga to‘g‘ri keladi. Bir necha oy o‘tgach esa yomg‘ir tufayli ular yer ostiga uch, besh, yetti santimetr chuqurlikka cho‘kadi va umuman ko‘rinmay qoladi, lekin baribir o‘z kuchini yo‘qotmaydi”, — dedi Ukraina Ichki ishlar vazirligi rahbari Denis Monastirskiy.Foto: AFP
Donbass shimoli
Rossiya tomonidan 5-mayga o‘tar kechasi uyushtirilgan raketa hujumidan keyin Kramatorskdagi kvartirasini tozalayotgan ayol.Foto: AFP
Kramatorskdagi kvartira devoriga sachragan qon. Donetsk harbiy ma’muriyati rahbari Pavel Kirilenkoning so‘zlariga ko‘ra, Kramatorskning o‘qqa tutilishi oqibatida kamida 25 nafar tinch aholi vakillari jabrlangan. To‘qqizta turar joy binosi, maktab va boshqa fuqarolik infratuzilmasi zarar ko‘rgan.Foto: AFP
Kramatorsklik o‘smir raketa hujumidan vayron bo‘lgan do‘kon yonidan skeytbordda o‘tmoqda.Foto: AFP
Osmonda qolgan ikkita raketa izlari. Surat Kramatorskdagi Tinchlik maydonidan turib olinganFoto: AFP
Izoh (0)