Sirdaryo tumani Baxt shaharchasida 15-mart kuni kuzatilgan suv toshqinida 2 ta ko‘p qavatli uy-joy butunlay yaroqsiz holatga kelib qoldi. Bu haqda Sirdaryo viloyati hokimligi xabar qildi.
Qayd etilishicha, ushbu uylarda yashayotgan 22 ta xonadon egasi boshqa joylarga vaqtincha ko‘chirilgan. Boshpanasiz qolgan fuqarolarni qisqa muddatda uy-joy bilan ta’minlash maqsadida yangi qurilishi rejalashtirilgan ko‘p qavatli uylarni qurmasdan, ushbu mablag‘ hisobiga xonadon egalari roziligi bilan avvalgi uyning maydonidan kam bo‘lmagan uy-joy olib beriladi.
Uy-joylarni sotib olish bilan bog‘liq xarajatlarga Sirdaryo tumani hokimligining depozit hisob raqamiga 2 milliard 500 million so‘m mablag‘ o‘tkazib beriladi.
Eslatib o‘tamiz, “O‘zgidromet” 3—4-mayda Volgabo‘yi hududlaridan nam va nisbatan salqin havo massalari kirib kelishini ma’lum qilgandi. Kuchli yog‘ingarchilik sabab O‘zbekistonning ayrim hududlarida sel oqimlari va toshqin suvlari yuzaga keldi. Markaz 5-mayda ham tog‘oldi va tog‘li hududlarda sel-suv toshqin hodisalari yuzaga kelishi xavfi mavjud ekanini aytib o‘tgandi.
Izoh (0)