Sog‘liqni saqlash vazirining tegishli buyrug‘i bilan davlat tibbiyot muassasalarining malakali shifokorlarini rag‘batlantirish yo‘lga qo‘yildi. Bu haqda SSV xabar qildi.
Qayd etilishicha, tizim xalqaro reytinglarda tibbiyot yo‘nalishida birinchi 200 talikka kirgan oliy o‘quv yurtlarining klinik ordinatura (rezidentura), magistratura mutaxassisligini tamomlagan va falsafa doktori (PhD) yoki fan doktori (DSc) ilmiy darajasini olgan tibbiyot xodimlariga tatbiq etiladi.
Nomzodlar tomonidan arizalar muassasaning kadrlar bo‘limiga topshiriladi. Hujjatlar navbatdagi bosqichda vazirlikning Fan va ta’lim boshqarmasi tomonidan ko‘rib chiqilgach, vazir buyrug‘i orqali rag‘batlantiriladi.
Nomzodlarning lavozim maoshiga har oylik qo‘shimcha ustama vazir buyrug‘i chiqqan kundan boshlab bir yil davomida mehnatga haq to‘lash eng kam miqdorining quyidagi baravarida belgilanadi:
- klinik ordinatura (rezidentura), magistratura mutaxassisligini tamomlagan tibbiyot xodimiga – yetti baravari;
- falsafa doktori (PhD) yoki fan doktori (DSc) ilmiy darajasini olgan tibbiyot xodimiga – o‘n besh baravari.
Mavzuga doir:
- O‘zbekistonda 2022-yil sentabrdan boshlab “dekret” to‘lovlarining bir qismini davlat budjeti hisobidan to‘lash tartibi joriy etiladi
- O‘zbekistondagi maxsus maktab-internatlarning barcha xodimlariga 50 foiz ustama to‘lash joriy etiladi
- O‘zbekistonda xususiy va davlat shifoxonalari uchun kasalliklarni davolash bo‘yicha yagona tariflar joriy etiladi
Izoh (0)