“Tibbiyotda xususiy sektor faoliyatiga qo‘shimcha qulayliklar yaratish va soha xodimlarini qo‘llab-quvvatlash chora-tadbirlari to‘g‘risida” prezident farmoni qabul qilindi, deb xabar beradi SSV matbuot xizmati.
Unda zamonaviy tibbiy xizmatlar ko‘lamini kengaytirish, nodavlat tibbiyot tashkilotlari faoliyatini yanada takomillashtirish, shuningdek, 2022-yil 18-mart kuni o‘tkazilgan O‘zbekiston prezidentining sog‘liqni saqlash sohasi vakillari bilan yangi formatdagi “Tibbiyotdagi islohotlar – inson qadri uchun” mavzusidagi ochiq muloqoti doirasida belgilangan vazifalar ijrosini ta’minlash maqsad qilib olingan.
Farmonda belgilanishicha:- endilikda yuqori malakali va malakali mutaxassislar toifasiga kirmaydigan boshqa chet el fuqarosi bo‘lgan shifokorlar uchun O‘zbekiston hududida mehnat faoliyatini amalga oshirish huquqini beruvchi tasdiqnoma berganlik uchun yig‘im miqdori 6 baravarga kamaytirilib, bazaviy hisoblash miqdorining 5 baravari (1,35 million so‘m) miqdorida undiriladi;
- O‘zbekistonga qisqa muddatga (bir oygacha), shu jumladan, diagnostika hamda davolash amaliyotlarini bajarish, tajriba almashish dasturlari, mahorat darslari o‘tkazish va ma’ruzalar o‘qish, xodimlar malakasini oshirish maqsadida kelayotgan chet el mutaxassislariga O‘zbekiston hududida mehnat faoliyatini amalga oshirish huquqini beruvchi tasdiqnoma olish talab etilmaydi;
- O‘zbekistonda doimiy yashash joyiga ega bo‘lmagan xorijiy fuqarolar hamda fuqaroligi bo‘lmagan shaxslardan davolash muassasalari tomonidan undiriladigan turistik (mehmonxona) yig‘im bekor qilinadi.
- O‘zbekistonda tez tibbiy yordam tizimidagi ayrim xodimlarning oylik ish haqiga 40 foiz ustama berilishi mumkin
- “Ochiq muloqotdan keyingi o‘zgarishlarni nafaqat tibbiyot xodimlari, balki har bir xonadon sezishi shart” — Shavkat Mirziyoyev
- “Barcha markazlar rahbarlarini qat’iy ogohlantiraman”. Shavkat Mirziyoyev aprel tibbiyot muassasalari uchun sinov oyi bo‘lishini aytdi
