Shavkat Mirziyoyev 28-mart kungi sog‘liqni saqlash sohasi vakillari bilan o‘tkazilgan ochiq muloqotda belgilangan vazifalarni amalga oshirish chora-tadbirlariga bag‘ishlangan videoselektor yig‘ilishini o‘tkazdi. Unda xususiy shifoxonalar faoliyatiga ham to‘xtalib o‘tildi, deb xabar bermoqda prezident matbuot kotibi.
“Yaqinda order tizimi isloh qilindi, bu borada xususiy sektor ishtiroki uchun ham imkoniyat yaratildi. Lekin barcha talablar aniq belgilangani bilan o‘tgan 6 oy davomida birorta xususiy shifoxonaga bemorlar uchun yo‘llanma berilmagan. Respublika markazlarining ayrim filiallarida yuqori texnologik davolash yo‘lga qo‘yilgan bo‘lsa-da, boshqa hududdan bemor qabul qilinmayapti”, — deydi davlat rahbari.
Sog‘liqni saqlash va Moliya vazirliklariga ikki hafta muddatda davlat va xususiy shifoxonalar uchun kasalliklarni davolash bo‘yicha yagona tariflarni tasdiqlash topshirilgan. Ochiq tanlov e’lon qilib, 15-mayga qadar yo‘llanma asosida tibbiy xizmatlar ko‘rsatadigan xususiy klinikalar ro‘yxatini shakllantirish vazifasi qo‘yilgan.
Shuningdek, 1-apreldan boshlab davlat hisobidan davolanish uchun yo‘llanmalar boshqa hududdagi davlat shifoxonalari uchun ham beriladi. Mavzuga doir:- O‘zbekistonda tez tibbiy yordam tizimidagi ayrim xodimlarning oylik ish haqiga 40 foiz ustama berilishi mumkin
- “Ochiq muloqotdan keyingi o‘zgarishlarni nafaqat tibbiyot xodimlari, balki har bir xonadon sezishi shart” — Shavkat Mirziyoyev
- “Barcha markazlar rahbarlarini qat’iy ogohlantiraman”. Shavkat Mirziyoyev aprel tibbiyot muassasalari uchun sinov oyi bo‘lishini aytdi
- “Bir oylik amaliy ish tizimiga o‘tamiz”. Shavkat Mirziyoyev vazir, rahbar va hokimlar o‘zlarining oyma-oy rejasini ishlab chiqishini aytdi
