Samarqand shahrida kredit ajratish uchun pora talab qilgan “Mikrokreditbank” rahbari qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, huquqni muhofaza qiluvchi organlari tomonidan Samarqand shahrida tezkor tadbir o‘tkazilgan. Unda “Mikrokreditbank” Samarqand filiali rahbari B.H. (1982-yilda tug‘ilgan) MCHJga 2 milliard so‘m kredit ajratib berishni va’da qilgani aniqlangan. U xizmati evaziga tadbirkordan 10 ming dollar miqdorida pora talab qilib, oldindan 4 ming dollar olgan. Tadbir davomida bank rahbari qolgan 6 ming dollari miqdoridagi pullarni olayotgan vaqtida ashyoviy dalillar bilan ushlangan.
Holat yuzasidan mansabdorga nisbatan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq Samarqandda 1,5 mlrd so‘m kredit mablag‘ini o‘zlashtirgan jamiyat rahbariga jinoyat ishi qo‘zg‘atilgandi. Shuningdek, Toshkentda tadbirkorga 2 mln dollar imtiyozli kredit olib berishni va’da qilgan shaxslar ushlangani, Namanganda fuqaroga fermer xo‘jaligi yerini ajratib berish uchun 15 ming dollar so‘ragan hokim yordamchisi va uning sheriklari qo‘lga olingani xabar qilingan.
Mavzuga doir:
- Xorazmda pul evaziga fuqarolarga subsidiya asosida uy olib berishni va’da qilgan bank kassiri ushlandi
- Chirchiqda 700 mln so‘m ipoteka krediti olib berish uchun 20 mln so‘m olgan soxta bank xodimi ushlandi
- Sirdaryoda o‘zgalar nomiga 1,2 mlrd so‘m kredit rasmiylashtirgan sobiq bank xodimlariga jinoyat ishi ochildi
Izoh (0)